Heseki’el 1:3 - NQAARIIT NE ROOG

³ fa lay fee no Yaal oxe a daawne a Heseki’el fee o ƥiy Buusi fee o saasadax, kam saax laa no Kaakalde we, paam o xuluɓ olaa Kebaar. Maaga mat, o ɓay no Yaal oxe a doonoorit’u took um.

Heseki’el 1:3 Referans Kwoze

Heseki’el 3:22

O ɓay ole no Yaal oxe a naagaxam nuus no mbiñ onqaaga, too a layaxam ee: «Inooxi, sutoox kam a yulanq ale, too maaga xam lay fa wo.»

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

2 Maad we 3:15

Ndiiki koy, ƥisiidaamoo o qiixilimb.» Ye oxeene a refna no xilmbaa, katil fee no Yaal oxe a roka a Eliise

1 Maad we 18:46

O Yaal oxe a mayƭanda a Eliya fa doole, ta kufoox, a ref no ƴufaa mbaambir a sareet ale Ahab boo no ndokand naa Yisre’el.

Heseki’el 40:1

No hiid qarɓeen ƭik fo ɓetkandeer ole no mbaƭ naa in, no mberaandoong ne no hiid ole, no ñaal xarɓaxayandeer ne no nqool onqe, xa kiid xarɓaxay fo xa kiid xa nahaq cinj ye teeru fee a gefeena tuƈ, a koom o ɓay no Yaal oxe a doonooxa took es,

Heseki’el 37:1

O ɓay ole no Yaal oxe a doonooxa took es, soo o Yaal oxe a ɗoxtaam Yiif um, a doonaam kam a yulanq alaa mayna muut fo xa kiiƈ.

Heseki’el 33:22

O ɓay ole no Yaal oxe a doonoox’a took es no kirand naa yaaga oxe mucna fadiidafulee, too o Yaal oxe a wetan’axam o don es ye ta garna me mi no nqes ne. O don es a muƥtoox’a too muum’atiim.

Heseki’el 8:1

No hiid o ɓetuu fa lengandeer ole, no ñaal ƥetkandeer ne no nqool o ɓetuu fa lengandeer onqe, moof’aam kam mbind es, too maak we Yudaa a moof’u mbaambir es, o ɓay no Yaal oxe na refkaa boo faw a doonooxa took es.

1 Timote 4:1

Kaa koy, Yiif le Roog kaa layaa a qool qac ee no ñaal palakaand ke xan leng-leng a mbes o ngim onqe a cinj, a saaƭoox na yiif a naanaxir, a ndeefaa a cangin cini.

Yowel 1:1

Keeke refu fa lay fee o Yaal oxe a daawinna a Yowel fee o ƥiy Petu’el:

Hoose 1:1

Keeke refu fa lay fee o Yaal oxe a daawinna a Hoose fee o ƥiy Beeri na jamaane Usiya fa Yotaam fa Ahas fa Hiskiya we maad Yudaa fo na jamaane Yerobowam fee o ƥiy Yehowas, o maad Isra’el.

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Yeremi 1:2

O Yaal oxe a daawnaan fa lay um na jamaane faa Yosiya fee o ƥiy Amon a refaa o maad Yudaa, no hiid xarɓaxay fo o hiid o dadkandeer ole no maat um.

Yeremi 1:4

O Yaal oxe a daawnaxam fa lay um ee:

2 Piyeer 1:21

A ƭelem ake no duleer we Roog mosee o ngat no bug no kiin. Yiif Tedu le reeƭu oxe ɗoxoogna a den boo da layaa a ƭelem akaa inoorna na Roog.

A kim a tedu ke 137:1

Kaa i moofoogu paam xa quluɓ axe Babilon, loolaa, yaam a yiif in a ngomaa a Siyoŋ.

Heseki’el 10:15

Maaga, pindel yeeyetax ke a ŋaaya, ndefna ndef ke ga’’uuma paam o xuluɓ olaa Kebaar.

Heseki’el 12:13

Xam letin mbaal ne mi took um, too xan a damel no mbog ne mi. Xam ɓisin Babilon, saax le no Kaakalde we, ndaa taxkee ta doonin a ngid, too xan a xonit maaga.

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Dañel 10:4

No ñaal qarɓeen ƭik fo ñaal nahkandeer ne no nqool o eetaand onqe, reeƭaam na ƥeeraamb ale no xuluɓ ole Tigere.

Yeremi 29:15

Yaag oo toox de, kaa nu layaa yee: ‹O Yaal oxe a sutana a in duleer kam Babilon.›

Heseki’el 3:15

Fadiidaam no ñaang laa Abiib, maa no we ƥiseena gilaa saax took o hup doole too a ngenoogu paam o xuluɓ ole Kebaar fo no mbiñ onqe da ngenoogna. Moofaam maaga ñaal ɓetuu ƭik, naqadiloox a ndeer den.

Heseki’el 3:23

Inooxaam soo sutoox kam a yulanq ale, too o ndam onqe no Yaal oxe a feeñooxa maaga, ne ga’it’anuuma deŋ paam o xuluɓ olaa Kebaar. Maaga, deɓooxaam a lanq gung.