Heseki’el 1:26 - NQAARIIT NE ROOG

²⁶ Me yoorooxna a qul aleene garitna a qoox ake den took, a jeg’a kaa na nandtaa ɓil jafeñu laa ne’eena safiir, a saxit nen uum-maamaad, soo took uum leene, kaa nandna nen o kiin a fod took fee.

Heseki’el 1:26 Referans Kwoze

Heseki’el 10:1

Ɗeetaam too farna fo a qul ale letnoox’ina, a garit a qoox ake no pindel yeeyetax ke took, a jeg’a nand nen ɓil jafeñu laa ne’eena safiir. Me garit’ina a den took a jeg’a kaa saxitna nen uum-maamaad.

A sutax ale 24:10

A nga’a a Roog fee Isra’el. Me ta dakoogna koy, kaa nand’u fo ɓil safiir, a xoolit nen a asamaan fee.

Mbeeñil 1:13

A ndeer den koy a jeg’a oxaa nandtoogna o ƥiy no kiin, a saq sabadoor naa na ɗooqaa fo o qap wurus no ngang um.

Dañel 10:18

Maaga, oxe nandtoogna o kiin a duqahinaxam, a saƭakinaam.

Heseki’el 1:22

Me yoorooxna a qoox ake no mbindel nuu refna, a jeg’a a qul alaa letnooxna, a nandtaa asamaan, a mirmirnaa nen galam fo jem.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Mbeeñil 14:14

Ɗeetaam too ga’aam eel ran fur, too took eel leene, oxaa nandtoogna o ƥiy no kiin moof’u teen. Kaa rokoox’u o ndip wurus, a pokoox a ñand a beelu.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Esayi 54:11

«Ey wo Yeerusaleem fa toroxu fee a und a maak ale a yo’inna, too o leng yaalirang! Ga’i, mi o Yaal oxe, xam sooñit a ƥil ake wo kaa jaxasteena keew, fi’atinit fer le wo a ƥil safiir.

Esayi 6:1

No hiid olaa o maad Usiya a xonna, ga’aam o Yaal oxe a moof took uum-maamaad goƭu took, soo xa noflax axe no sabadoor ne ten a may Mbind Roog ne.

Mbeeñil 5:13

Maaga, ke sakeena fop, ta ref na asamaan fo took lanq ke fo ɗuga lanq ke fo no maag ole, pindel ke kam adna fee fop, nanaam a den da ngimaa yee: «Yaasam Oxe moofna no gamb no maad le, o ten fo o Mbaal onqe a ndaaw a simat fo o niwel fo o ndam fa katil, bo na moos boo moos!»

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Hebre 8:1

Keeke refu ke moƴna o jeg o njiriiñ no ke i layaa: O saasadax o maak o nandu neene i njegu. Oxaa moofa na asamaan, na ñamaak gamb no maad le Roog fee refna katil fee hupna fop.

Hebre 1:8

Kaa koy, no ke jofna no Ƥeenqe, Roog a laya a qoolu yee: «Gamb no maad le wo de Roog, xan a ref boo faw. O cofel rek o maadooritkaa maat ne wo.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Mace 25:13

Yetooxyo boog, yaam nu andee ñaal ne fa waxtu fee o kor-no-kulook oxe a garkaa.»

Sakari 6:13

Kaam ee ten na maxkaa Mbind ne mi. Xan a ɓoxotel o ndam, a moof no uum-maamaad um, a maadooxan xeet fee. Xan a ref o saasadax no uum-maamaad um, too ƭik ke fop xan a nanoor tigi.

A kim a tedu ke 45:6

O maad oxe, a kas ake wo a mbeela, xan qeet ke a yen na caf of, fañ of a ndoomel na qeeñ.

Dañel 7:14

A ɓoxote ngelfa fo o ndam fo maat, ndax qeet ke fop fo a saax ake fop fo wiin we no lak ke fop a mbaɗooxin. Ngelfa ne ten xan a ref boo faw too jegkee muukandoong, xan a maadoox bo na moos boo moos.»

Yosuwe 5:13

Bes, a soƥ Yosuwe a ref paam Yeriko, a yoɗa a kid um, a ga o koor oxaa jasnoorna fo ten, a woos laƥ um. Yosuwe a matiidaan soo a laamtin ee: «Fa in faro ndi fo fañ in?»

1 Maad we 22:19

Mikaya a layaan ee: «Nan-gilooxi kañ ke o Yaal oxe a layna! Kaam ga o Yaal oxe ta moof no uum-maamaad le ten, malaaka ke ten fop a ngeenoox na ñamaak um fo na janoon um.

Heseki’el 1:5

A ndeer ale itam, pindel nahik kaa o mem den a nandtaa o kiin a mbeeñooga.

Heseki’el 43:6

Nanaam oxaa na layaa fa mi taa kam Mbind ne, soo o koor oxe a geenoox paam es.

Heseki’el 43:7

O Yaal oxe a layaxam ee: «Wo fee o ƥiy no kiin, meeke refu o mbiñ onqe no uum-maamaad es, o mbiñ onqe um dakkaa o jaf es. Xam gen teen boo faw a ndeer Ii-isra’el we. Mbind Isra’el fo maad we ten ndoɗganditkatee muk gon tedu le mi njaga ne den fo xa tal axe no maad we den took a ñaang a sadaxand ake den.

Heseki’el 8:2

Ɗeetaam, too ga’aam kaa na nandtaa o kiin, ke xotitna no ke nandtoogna ndet um boo a lanq a ref fiɗel, soo ke xotitna no ndet um a jof took a jeg’a nen meleƈ xanjar laa na miric-miricnaa.