Heseki’el 1:10 - NQAARIIT NE ROOG

¹⁰ Oxuu refna na den a jeg’a mukit keeke: Mukit no kiin, mukit njogoy no saax o ñamaak, mukit nqoox na janoon fo mukit a canjiik.

Heseki’el 1:10 Referans Kwoze

Heseki’el 10:14

Mbindel nuu refna a jeg’a mukit nahik, fa eetaand fee mukit mbindel yeeyetax a reeƭu, fa ƭikandeer fee mukit no kiin, fa ndadkandeer fee mukit njogoy, fa nahkandeer fee mukit a canjiik.

Mbeeñil 4:7

Mbindel eetaand ne kaa nandtoogu njogoy, ƭikandeer ne a nandtaa o xeel, ndadkandeer ne a saq mukit no kiin, nahkandeer ne a nandtaa a canjiik alaa na yetaa.

Mbeeñil 5:5

Maaga, o leng no maak we a layaxam ee: «Ba o loolat! Ga’iro xeƈa! Njogoy ne na carind ale Yudaa, refna o Ndaan onqe Dawid a maafa, ndax ta ñaƥit xa ñaas ɓetaa ƭaq axe na kayit ale, soo a dortin.»

YEGIL MBAAX NE YEESU ne Lik a bindtuuna 15:10

Neene itam, mexe layaa a nuun ee: Xan o ɗaay o maak a jeg mbaambir no malaaka ke Roog yaam o paabakaad o leng kut oxaa fesna pakaad um a cinj.»

Dañel 7:4

Fa eetaand fee kaa nandtoogu njogoy, ndaa a nafir a canjiik a saq’u. Kaam ɗeetoogun, boo neen a nafir ake ten a mbofe, ta yoɗtel a lanq, a geennitel a caf a ciijing ake ten nen o kiin soo a cooxel sagu no kiin.

Esayi 46:8

Mbetandooxyo kene too ndef goor. Nuun gore’aƭaru we, ƭeetaqinooxyo a paax.

Esayi 40:31

ndaa we yaakaarna o Yaal oxe kaa ndaawaa doole fa nqas. Kaa yetaa nen a canjiik, a ƈufaa, too nqijkee, a ñaaƴaa, too ñakkee doole.»

Xa peƭit axe 14:4

Oxe jegeerna qoox saxadkee dara, ndaa o jeg a den a faaxa, yaam doole den na ɓisiidaa ndiig mbaax.

Ke bindeena no xe ne’eena YOB 39:27

Ndax wo na heblaa a tud ale ta yoɗoox soo a fi ndaang um took-ee-took?

1 Caloori ke 12:8

fo itam Yo’ela fa Sebadiya we xa ƥiy Yeroham ngen’ina Gedoor.

Haahate we 14:18

No ñaal ɓetuu ƭikandeer naa, ye njeeƈ ne a helko fo mudaa, goor we na teeru fee a laya a Samson ee: «Xar moƴu o fel suum? Xar hupu njogoy doole?» Samson a laya a den ee: «Nu nqooxit’angee fi le mi, nu andkoogee a nax-o-gut ale mi.»

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

A lim ale 2:25

We mbogna na carind ale Dan, a laay a anddiloor den xan a ref farna fo ɓemb-roog o janoon, too fat a ndal maaga, a reefandel na qaw den. Ahiyeseer fee o ƥiy Amisaday na adooxankaa a den.

A lim ale 2:18

We mbogna na carind ale Efrayim, a laay a anddiloor den xan a ref farna fo mudand, too fat a ndal maaga, a reefandel na qaw den. Elisama fee o ƥiy Amihud na adooxankaa a den.

A lim ale 2:10

We mbogna na carind ale Ruben, a laay a anddiloor den xan a ref farna fo ɓemb-roog o ñamaak, too fat a ndal maaga, a reefandel na qaw den. Elisuur fee o ƥiy Sede’uur na adooxankaa a den.

A lim ale 2:3

We mbogna na carind ale Yudaa, a laay a anddiloor den xan a ref farna fo batand, too fat a ndal maaga, a reefandel na qaw den. Naason fee o ƥiy Aminadab na adooxankaa a den.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

Heseki’el 1:6

Nuu refna na den a jeg’a mukit nahik fo a nafir a nahak.

Heseki’el 41:19

mukit no kiin naa faambirna no saax o leng farna fo a naaq ngeec fo mukit njogoy naa faambirna no saax o lakas farna fo a naaq ngeec. Neene a refit’u me widna Mbind ne fop.