Heseki’el 1:1 - NQAARIIT NE ROOG

¹ No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Heseki’el 1:1 Referans Kwoze

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

A pi ake 7:56

A laya yee: «Ga’aam asamaan fee a wetoox, soo o Ƥeenqe no kiin oxe a geenoox na ñamaak Roog.»

Mace 3:16

Yaa Yeesu a batiise’eena boo a ƴut, a sutooxa foofi laa. Asamaan fee a wetooxa too a ga’a Yiif le Roog a fudooxiidaa took um, a saxit nen a nuukuur.

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

A pi ake 10:11

A ga’a asamaan fee a wetoox, soo kaa nandna nen ƭaap maak a humel na xa noflax xa nahaq axe, a fudooxiidaa a lanq.

YEGIL MBAAX NE YEESU ne Lik a bindtuuna 3:21

Ye xeet faa fop a mbatiise’eena, Saŋ a batiise’a a Yeesu itam. Yaa ta xeɗaa a Roog, asamaan fee a wetooxa,

Heseki’el 10:20

Den ndeeƭu pindel ke ga’’uuma ɗuga Roog fee Isra’el paam o xuluɓ olaa Kebaar, too andataam ee pindel yeeyetax a ndeeƭu.

Heseki’el 10:15

Maaga, pindel yeeyetax ke a ŋaaya, ndefna ndef ke ga’’uuma paam o xuluɓ olaa Kebaar.

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

YEGIL MBAAX NE YEESU ne Saŋ a bindtuuna 1:51

Yeesu a doona taaga yee: «No ndigil, no ndigil, xan nu nga’ataa asamaan a wetoox, soo malaaka ke Roog a ŋaayaa, a mbudooxaa me o Ƥeenqe no kiin oxe a refna.»

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Heseki’el 3:23

Inooxaam soo sutoox kam a yulanq ale, too o ndam onqe no Yaal oxe a feeñooxa maaga, ne ga’it’anuuma deŋ paam o xuluɓ olaa Kebaar. Maaga, deɓooxaam a lanq gung.

Heseki’el 1:3

fa lay fee no Yaal oxe a daawne a Heseki’el fee o ƥiy Buusi fee o saasadax, kam saax laa no Kaakalde we, paam o xuluɓ olaa Kebaar. Maaga mat, o ɓay no Yaal oxe a doonoorit’u took um.

Esayi 1:1

Safe lene kaa fof ke Esayi fee o ƥiy Amoc a feeñleena no maat ne Yudaa fo na teeru fee Yeerusaleem, na jamaane Usiya fa Yotaam fa Ahas fa Hiskiya ndeeƭna maad Yudaa.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

2 Korint 12:1

Kaam ee, ke ta refna gaaf faaxeer fop oo, waagiim o ñak o fakoox. Ndiiki koy, kaam layiidaa xa ƭaaɗ fo peeñil kaa o Yaal oxe a cooxaxama.

Mark 1:10

Ndak fo ndak, yaa Yeesu a sutooxaa foofi laa a ga’a asamaan fee a xaajoox. Yiif le Roog a fudooxiida took um, a saxit nen a nuukuur.

Hoose 12:10

Mi refu o Yaal oxe Roog nuun sutitna a nuun Misira. Xam gennoorahin a nuun kam ƭiif, nen ye um garaa me nuun kam a koƥ-a-ƥor alaa.

Heseki’el 40:2

soo ta ɓisaam maaga. No peeñax Roog, a ɓisaxam no saax laa Isra’el, soo a doonaam took o joong o jiig olaa jeg’ina no ɓemb-roog o ñamaak nandu nen maq teeru.

Heseki’el 3:15

Fadiidaam no ñaang laa Abiib, maa no we ƥiseena gilaa saax took o hup doole too a ngenoogu paam o xuluɓ ole Kebaar fo no mbiñ onqe da ngenoogna. Moofaam maaga ñaal ɓetuu ƭik, naqadiloox a ndeer den.

A lim ale 4:3

nqotit no we njegna xa kiid qarɓeen tadik a jof took boo no we njegna xa kiid qarɓeen ƥetik. Ndetkee na xire, ndaa fat a mbadnaa o far den kam Ƭiif ne um xetteel, mi o Yaal oxe.

A sutax ale 24:10

A nga’a a Roog fee Isra’el. Me ta dakoogna koy, kaa nand’u fo ɓil safiir, a xoolit nen a asamaan fee.

Mberaand 46:2

No yeng olaaga, Roog a laya fa Yakoob no ƭaaɗ ee: «Yakoob! Yakoob!» A doonaan ee: «Oow! Mexey!»

A pi ake 10:3

Bes, farna fo waxtu kirandax, a ga’a a qool qac malaaka Roog faa garna me ten, a layin ee: «Korney!»

Mace 17:9

Yaa da mbudoortaa no joong olaa, Yeesu a maƭooxa a den ee: «Ba nu lay o leng ke nu nga’na boo yaa o Ƥeenqe no kiin oxe a xontooxkaa a ndeer no xon we.»

Heseki’el 10:22

Mukit ke den kaa nandtoogu deŋ fo ke ga’’uuma paam o xuluɓ olaa Kebaar. Den nand’u caq, too den sax sax a ndeeƭu. Nuu refna kaa ɓeroogu, a jagin mbaambir um.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

YEGIL MBAAX NE YEESU ne Lik a bindtuuna 3:23

Yeesu a jeg’a ngap xa kiid qarɓeen tadik, soo a sogkaa o waare’aa. Kaa nand’u wiin we yee Yeesu refu o ƥiy Yoseef, Yoseef a ref o ƥiy Eeli, Eeli a ref o ƥiy Matat,

Esayi 6:1

No hiid olaa o maad Usiya a xonna, ga’aam o Yaal oxe a moof took uum-maamaad goƭu took, soo xa noflax axe no sabadoor ne ten a may Mbind Roog ne.

A kim a tedu ke 137:1

Kaa i moofoogu paam xa quluɓ axe Babilon, loolaa, yaam a yiif in a ngomaa a Siyoŋ.

Yeremi 29:15

Yaag oo toox de, kaa nu layaa yee: ‹O Yaal oxe a sutana a in duleer kam Babilon.›

Heseki’el 10:1

Ɗeetaam too farna fo a qul ale letnoox’ina, a garit a qoox ake no pindel yeeyetax ke took, a jeg’a nand nen ɓil jafeñu laa ne’eena safiir. Me garit’ina a den took a jeg’a kaa saxitna nen uum-maamaad.

Heseki’el 10:10

No mem den, den nahuk fop nand’u. A saang aluu refna kaa fi’’u nen kaa ref ndeer a saang a lakas.