Hebre 1:4 - NQAARIIT NE ROOG

⁴ O Ƥeenqe Roog a hupooda malaaka boo ten taxu Roog a cooxin gon laa hupna a kon ake den o njiriiñ,

Hebre 1:4 Referans Kwoze

Efees 1:21

Maaga, na asamaan, Kiristaa kaa dalnel took sañ-sañ fuu refna fo maat nuu refna fa katil fuu refna fo ngelfa nuu refna. Kiristaa kaa dalnel itam took gon lakas luu waageena o ne, refee soom na adna fene, ndaa no camaane ke na ngaraa itam.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.

2 Tesalonik 1:7

soo nuun we toroxandeena, ta ci a nuun a ñootnax, a ci’in a in itam. Xan Roog a fadin keene fop, yaa o Yaal oxe Yeesu a inooritkaa na asamaan, a yoon fo malaaka cegu katil ke ten,

Kolos 2:10

No ten nu njegtu fop, ta dey sik, too ten kelfa’u sañ-sañ fuu refna fo maat nuu refna.

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

Hebre 1:9

Cofu soom bugo, too sibaa paaxeer, ten taxu Roog fee refna Roog of, a ɗuumaang diwliin fa ndodir, a mayƭandong fo o ɗaay ye ta jiloonga a ndeer no gend of.»

Hebre 12:17

Nu anda yee taa mbaambir, a bug’ata o daaw barke fee faap um, ndaa a xañit’e o ten. Jeg’atee pexey naa ta suptitna ke ta fi’’ina, too xa lool axe ta looloogna ƭax’atee teen dara.