Hebre 1:3 - NQAARIIT NE ROOG

³ O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

Hebre 1:3 Referans Kwoze

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

YEGIL MBAAX NE YEESU ne Saŋ a bindtuuna 1:4

No ten o ñoow ole a reeƭu, too o ñoow oleene reeƭu a qoolaand no wiin we.

Hebre 10:12

Kiristaa o mat, jaf leng kut a sadaxtu yaam pakaad ke. Sadax feene koy boo faw a refkaa. Cinj kaaga, a reta a moof na ñamaak Roog.

Hebre 9:26

A saxit’angaa naaga, yaaga a coono’kooga a caf a mayu no kaa xoxitna yaa adna a sakeena boo xaye. Kaa koy, na pe a paktu ke no camaane ke, jaf leng kut a feeñooxu, a ɓoxot a xoox um nen sadax, ndax ta forit pakaad ke.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

1Saŋ 3:5

Nu anda kene sax: Yeesu a feeña, ndax ta watin pakaad ke. Bakaad fa leng refee no ten.

2 Piyeer 1:16

Refee sax ee kaa i saaƭoox na nax ake nqalaat’eena boo andnooraa a nuun a kar a mayu katil ale no Yaal in Yeesu Kiristaa. Kaa i mbi’in, yaam ne i nga’oodna o ndam um fo a kid in,

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

Hebre 8:1

Keeke refu ke moƴna o jeg o njiriiñ no ke i layaa: O saasadax o maak o nandu neene i njegu. Oxaa moofa na asamaan, na ñamaak gamb no maad le Roog fee refna katil fee hupna fop.

Mark 16:19

Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

A kim a tedu ke 75:3

Roog kaa tee: «Mi, xam hate’it o cofel na waxtu fee hapuuma.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Hebre 7:27

Yeesu nandee fo saasadax maak lakas we: Soxla’’ee o eet o ɓoxotanaa a xoox um sadax yaam pakaad um, ne’atiim ta fi’an bes oo bes, soo a doonkaa pakaad ke na xeet um. A sadaxta jaf leng kut, ye ta ɓoxotna a xoox um.

A pi ake 2:33

Roog a yoɗaan fo a ñamaak um, ta daawit na Faap fee Yiif Tedu le regit’eena. Yeesu a fudniidaan, ne nu nga’tan fo ne nu nantan.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

Kolos 3:1

Nu nqontooxa fa Kiristaa, mbaaƭyo boog ke refna took, maa ta moofna na ñamaak Roog.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

A pi ake 7:56

A laya yee: «Ga’aam asamaan fee a wetoox, soo o Ƥeenqe no kiin oxe a geenoox na ñamaak Roog.»

A kim a tedu ke 110:1

A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

1 Caloori ke 29:11

O Yaal oxe, wo jegu o magnel fa katil fo o mosel fo o ndam fo o niwel. Fop ke refna na asamaan fo took lanq ke wo jegun, yaam wo refu o maad, o Yaal oxe no pindel ke fop.

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

Mise 5:4

Ten fa xoox um na refkaa jam fee!» Yaa Aa-asuur we a songiidkaa saax le in, boo a ndok no pind mosu ke in, xan i ngebil took den aa-adax jaaku, sutan a den gelwaar mayu.

O baawaare xe 8:4

Fa lay fee no maad oxe a jega sañ-sañ. An na laykan boog ee: «Xar o fi’aa kene?»

Ke bindeena no xe ne’eena YOB 37:22

No ɓemb-roog o janoon a qoolaand alaa saxitna nen wurus a inooraa. Cey, ndaw ne o magnel ole Roog a saɗarnooxitna!

Hebre 9:16

Muu a tegdinax a jegitna, oxe dalnuuna a wara o xon, soo ta jegkaa.

Mace 22:24

«O Caajangin oxe de, Moyiis kaa lay ee o koor oxuu xonna, too rimee fo o teem xa ƥiy, o ndeɓ um a wara o lam o ñaaw oxaa, a sakan o maag um ƥasil.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Hebre 1:13

Roog mosee o lay malaaka fa leng ee: «Moofi na ñamaak es, boo yaa fi’uuma fañ we wo me o dakaa.»

2 Piyeer 1:17

ye ta daawitna o niwel fo o ndam na Roog Faap fee. Kam o ndam o mayu katil onqe ten, Roog a nannooraan o ñuxur olene: «Oxene refu o Ƥees onqe fexuuma fex, too no ten felakinoortum.»

A paɗax ale 15:15

Fat o saasadax oxe a sadaxit a den, a leng ale nen sadax fa mbaasnoor pakaad, a lakas ale nen sadax fa ndoxel, ndax ta jofoorandin fo o Yaal oxe, yaam ke yuurna no ten.