Hebre 1:2 - NQAARIIT NE ROOG

² ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

Hebre 1:2 Referans Kwoze

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

YEGIL MBAAX NE YEESU ne Saŋ a bindtuuna 1:3

Roog a saktin fop. Dara kaa sakeena too reefandaand no ten jegee meen.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

1 Piyeer 1:20

Roog kaa jil’un yaaga adna sakafulaand, soo a feeñlanin a nuun ndiiki na jamaane fa mbalakaand fee.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

YEGIL MBAAX NE YEESU ne Saŋ a bindtuuna 13:3

Yeesu a and’a yee maa Roog a inooru, a wara o nomtoox maa ten. A anda itam ee Faap fee a doona fop na xa ƥay um.

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

Hebre 11:3

No ngim onqe i andtu yee Roog saku adna fee na pexey fa lay um, a tax ke na ga’eel a sutoor no ke waagaandeena o ga.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Mace 21:38

Kaa koy, yaa xooxoox waa a nga’na o ƥiy onqe no yaal a ƭing alaa a garaa, a laya yee: ‹O lam oxe xe garaa. Fat i mbarin, soo njang ke ta war’ina o lam fop.›

Hebre 5:8

Ke ta refna ref o Ƥeenqe Roog fop oo, yaqanee ta aqatoox o nanan a Roog, a reefandin no coono ke ta gomna.

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

Esayi 44:24

Keeke o Yaal oxe refna o baawat of, a moolong no fud ya of, a layu: «Mi saku ke jegna fop. Mi letnu asamaan fee, mi soom, letin lanq ke, too o leng dimle’iraam.

Hebre 7:3

O leng andanee a Melkisedek a faap mbaat a yaay mbaat o taan. O rimel um fo fa nqon um laytaand sen kam a Pind a Tedu ke. Kaa nand fo o Ƥeenqe Roog: O saasadax a mosu mos o refaa boo faw.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

Hebre 1:5

yaam Roog mosee o lay fa leng no malaaka keene ne ta bindteena yee: «Wo refu o Ƥees, xaye mi rimong.» Roog mosee o lay itam no kaa jofna na malaaka ne ta bindteena yee: «Xam refanin Faap, soo ta refanaam o Ƥiy.»

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.

Esayi 2:2

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too xan qeet ke fop a njagin teen.

A cangatin ale 18:15

O Yaal oxe Roog nuun xan a sutan a nuun a ndeer no fog nuun o tuleer oxaa nandna fa mi, too fat nu nan-gilooxin.

A cangatin ale 4:30

Yaa keene fop a dalkaa a nuun, soo nu ndef na naqad, maaga no paktaand kaa xan nu nomtooxiid no Yaal oxe Roog nuun, nan-giloox o ñuxur um.

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

YEGIL MBAAX NE YEESU ne Saŋ a bindtuuna 15:15

Xoyatiim a nuun dag es, yaam o tag naagee o andaa dara no ke o yaal mbind um a bugna o fi. Kaam xoy a nuun xaariit, yaam layaam a nuun fop ke jangtuuma na Faap es.

Mise 4:1

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too qeet ke xan a njagin teen.

Yeremi 30:24

Fuux le no Yaal oxe ɓooskee boo yaa ta fi’kaa, a fadin yuuƥ ke no xeeñ um. Xan a jeg camaane kaa nu andkan.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»

O leetar ole Pool a bindna GIMU WE NGENNA ROM 1:4

ndaa na pexey Yiif Tedu le, a feeñle fa doole yee o Ƥeenqe Roog a refu, ye ta xontooxna a ndeer no xon we: O ten refu Yeesu Kiristaa o Yaal in.

A pi ake 2:17

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

YEGIL MBAAX NE YEESU ne Saŋ a bindtuuna 16:15

Ke Faap fee a jegna fop, mi jegun. Ten taxu, um lay ee na mi a bugko naqtaa, a yegnan a nuun.»

Mark 12:6

O ƥeem onqe ta fexna fex soom yoq’u. Ten a falaku o lulaa maa den, yaam kaa layoogu yee: ‹Xan a niw o ƥees.›

Mark 1:1

Keeke refu mberaandoong ne no Yegil mbaax ne na laytaa kaa farna na Yeesu Kiristaa, o Ƥeenqe Roog.

Dañel 10:14

Ndiiki koy, kaam andnooriidong ke na dalkaa xeet of no ñaal palakaand ke, yaam mbeeñil nene itam kaa jagin no ñaal keene.›

Heseki’el 38:16

Xan o songik a Isra’el fee xeet es nen eel laa na retaa a muurik saax le. Xan keene a xew no camaane palakaand ke too xam songnoorong a xeet es, ndax qeet ke a andaam, yaa um tedlandkeel na kid den na pexey of, wo Gog!

Esayi 45:18

O Yaal oxe saku asamaan fee, ten refu Roog fa leng kut fee fiisna lanq ke, a sip a den soo a saƭkand a den koŋ. Sakee a den koy, ndax da yoq o ƥor, ndaa ndax da ngenel. Ndiiki keeke a layu: «Mi refu o Yaal oxe. Jegee roog fa lakas.

A cangatin ale 31:29

Andaam o mat ee a cinj fa nqon es xan nu laawoox, ƭap a ƭat ale jooxuuma a nuun. No camaane ke na ngaraa xan sabab a song xa log nuun, yaam paaxeer ke nu mbi’kaa na kid no Yaal oxe, mbuuxnoortin ke xa ƥay nuun a njalna.»

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

Hebre 1:8

Kaa koy, no ke jofna no Ƥeenqe, Roog a laya a qoolu yee: «Gamb no maad le wo de Roog, xan a ref boo faw. O cofel rek o maadooritkaa maat ne wo.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Mberaand 49:1

Yakoob a xoya xa ƥeem, a lay a den ee: «Mbokatooryo, um lay a nuun ke na xewkaa na nuun taa paam.

Hebre 9:26

A saxit’angaa naaga, yaaga a coono’kooga a caf a mayu no kaa xoxitna yaa adna a sakeena boo xaye. Kaa koy, na pe a paktu ke no camaane ke, jaf leng kut a feeñooxu, a ɓoxot a xoox um nen sadax, ndax ta forit pakaad ke.

YEGIL MBAAX NE YEESU ne Saŋ a bindtuuna 3:25

Daalbe we Saŋ a ñimatira fo o Yaawuur no kaa jofna no njap.

Dañel 2:28

Kaa koy, a jega na asamaan Roog faa na feeñlaa kunpa ke. Ten na andnooriidang, wo o maad Nebukadnesaar, ke na xewkaa taa mbaambir. Keeke refu ke ɗaaɗoona ye ɗaanoona:

Yeremi 48:47

Kaa koy, no camaane palakaand ke, xam nomtiid we Mowaab ƥiseena gilaa saax took o hup doole. Mi o Yaal oxe a layun.» Mene ke yegniteena na hate fee Mowaab a fagtu.

Esayi 45:12

Yaag oo toox de, mi fiisu lanq ke soo sak pindeef ke ngenna teen. Mi letnu asamaan fee soo kelfa a yaj ake ten fop.

A lim ale 24:14

Ndiiki koy, mexe dabaa xeet es, ndaa bo um helko fo retaa, cungi bo um maƭooxong ke Ii-isra’el we a mbi’kaa xeet of no camaane ke na ngaraa.»

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

Mace 13:39

O pañ oxe duufuuna refu o ƈiƴ oxe, a saxad ale refu paangandoong adna. Saasaxad we koy ndefu malaaka ke.

Mark 12:7

Kaa koy, xooxoox waa a layra a ndeer den ee: ‹O lam oxe xe garaa. Fat i mbarin, soo yoqat fo ke ta warna o lam.›

YEGIL MBAAX NE YEESU ne Saŋ a bindtuuna 1:10

A qoolaand ale a reeƭa kam adna fee, ndaa ke adna fee a reefandeena no ten fop oo anddiran.

YEGIL MBAAX NE YEESU ne Saŋ a bindtuuna 5:26

Yaam ne Faap fee fa xoox um a ñoownitaa, a ci’tu o Ƥeenqe itam ta ñoownaa.

YEGIL MBAAX NE YEESU ne Saŋ a bindtuuna 5:27

A ci’aan itam sañ-sañ faa ta hate’taa, yaam ten refu o Ƥeenqe no kiin oxe.

YEGIL MBAAX NE YEESU ne Saŋ a bindtuuna 9:29

I anda xil koy ee Roog a laya fa Moyiis, ndaa oxeene, o leng andee maa ta hatna.»

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

Hebre 7:28

Kebil ke Moyiis, we neewna doole a ndodaa nen saasadax maak. Kaa koy, fa lay fee na taaƥ ale Roog garna cinj kebil ke, kaa dod o Ƥeenqe ñakna sik boo faw nen o saasadax o maak.

YEGIL MBAAX NE YEESU ne Saŋ a bindtuuna 13:32

A soƥangaa koy ee no ten Roog a ɓoxotte o ndam, xan Roog a ɓoxotin o ndam na xoox um itam, too miñkatee sax.