Hebre 1:1 - NQAARIIT NE ROOG

¹ Yaa fa yaaga, Roog a lay’a fo daan waa in a caf a mayu fo na xa qos xa mayu na pexey duleer waa,

Hebre 1:1 Referans Kwoze

YEGIL MBAAX NE YEESU ne Lik a bindtuuna 24:27

Maaga, Yeesu a tektana a den ke lay’eena no kaa farna no ten kam a Pind a Tedu ke fop, a eetit na safe ke Moyiis boo a suur na safe ke no duleer we fop.

A pi ake 2:30

O tuleer a reeƭu, too a and’a yee Roog a reg’aan na taaƥ ee xan a moofin o leng no fo ndaan um took gamb no maad le ten.

YEGIL MBAAX NE YEESU ne Lik a bindtuuna 1:55

ne ta layit’uuna daan we in, ta ref Abraham fo xa taan um boo kili.»

A pi ake 13:32

In oo, kaa i yegnaa a nuun Yegil mbaax nene: Ke Roog a reg’ina daan we in,

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Hebre 2:2

Yaam a soƥangaa yee fa lay fee malaaka a yegnitna a fadnooxa, too tooñ fo nanaƭar nuu refna a ndaawa a qaw alaa da njagitna,

YEGIL MBAAX NE YEESU ne Lik a bindtuuna 1:72

Neene o mat a yirmitu daan we in, a wetandoox ngiɓoor tedu ne ten,

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

YEGIL MBAAX NE YEESU ne Saŋ a bindtuuna 9:29

I anda xil koy ee Roog a laya fa Moyiis, ndaa oxeene, o leng andee maa ta hatna.»

YEGIL MBAAX NE YEESU ne Saŋ a bindtuuna 7:22

Moyiis a cooxa a nuun nquc – refee koy sax ee no ten a inooru, ndaa no daan maak we – soo nu nqucnaa na bes fee na ñootnax ale.

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

Mberaand 6:3

Maaga, o Yaal oxe a laya yee: «Yiif es genkee no xoxtaa o kiin kujumaani cay, yaam o kiin njer rek a refu. Ndiiki hapanaanum xa kiid teemeed fo xa kiid qarɓeen ƭik.»

YEGIL MBAAX NE YEESU ne Saŋ a bindtuuna 16:13

Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.

A pi ake 3:21

Ndiiki koy, Yeesu a wara o moof na asamaan boo na jamaane faa Roog a xembandatinkaa fop, ne ta layit’uuna yaaga, a reefandin no duleer tedu we ten.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

Hebre 3:5

Moyiis fa xoox um a gore’a kam mbind ne Roog fop nen o paɗ Roog oxaa gadin’eena o layanan.

Hebre 4:8

A soƥ’angaa yee Yosuwe a ɗox’a mboƥ ne Isra’el boo na ñootnax aleene, Roog layitkoogatee kaa farna na bes fa lakas.

Hebre 5:5

Neene itam, Kiristaa fee fi’ee a xoox um o saasadax o maak. Kaa koy, Roog fa xoox um layun ee: «Wo refu o Ƥees, xaye mi rimong.»

Hebre 9:19

Moyiis kaa eet’u o yegnit kebil ke mbaambir xeet faa fop ne Roog a simtituuna. Cinj kaaga, a janga fo’oy xa qeel fo le na suk pambe ke fa foofi, a fokat a den. Naaga, a janga o naaq isoop, a fokatin fo a ƥiñ mbaal akaa yaxgineena, a suupin teen. Cinj kaaga, a wiisaan took safe le no kebil ke fo took xeet faa fop.

Hebre 11:2

Roog a jaɓ’a daan waa yaam o ngim den.

Hebre 11:18

Roog toox de a daaw’a o lay ee: «Na Isaak o jegitkaa xa taan axe regoonga.»

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.