Haahate we 1:4 - NQAARIIT NE ROOG

⁴ Maaga, a ndeta a songik, soo o Yaal oxe a ɓoxot na xa ƥay den Kaakanaan we fo Peeperisi we, da mbar na den wiin cuni xarɓaxay kam Beseq.

Haahate we 1:4 Referans Kwoze

1 Sami’el 11:8

Sawul a limta a den Beseq. A ndeeƭa goor cuni teemeed tadik na carind ake no ɓemb-roog o janoon fo goor cuni qarɓeen tadik na carind ale Yudaa.

1 Maad we 22:15

A gara paam o maad oxe, soo oxeene a laamtin ee: «Mikaya, ndax i mbara o nqire’ik, ndax i njangatin a Ramot kam Galaad, ndi kaa i mbarin o nqaƴ rek?» Mikaya a doonaan ee: «Reti, xan o jeg ne bugoona, too xan o Yaal oxe a ɓoxotin na xa ƥay no maad oxe.»

1 Maad we 22:6

O maad oxe Isra’el a dalfooxa o fokat duleer we ndeeƭna ngap teemeed nahik, soo a laamit a den ee: «Ndax waraam o xire’ik, ndax um jangatin a Ramot kam Galaad, ndi kaam warin o xaƴ rek?» Duleer waa a ndoonaan ee: «Reti, too xan o Yaal oxe a ɓoxotin na xa ƥay of.»

1 Sami’el 14:10

A layangaa a in koy ee: ‹Ŋaayiidyo me in!›, fat i ŋaay, yaam keene xan a ref na in o anddiloor ee o Yaal oxe xan a ɓoxot a den na xa ƥay in.»

1 Sami’el 14:6

Yoonatan a laya o tag oxe saqoogna ƥonax ke ten ee: «Gariidi i ndet boo no daland olaa na qucooxar akeene. Xeƈa xan o Yaal oxe a farit a in, yaam dara waagiran o yaqan ta ci’it o ndam wiin we maya mayeer.»

A cangatin ale 9:3

Xaye, fat nu and boog ee o Yaal oxe Roog nuun fa xoox um oxe ñaaƴaa mbaambir nuun nen fiɗel laa na raaɓaa. Ten na saŋikkaa a den, a xeefnoor a den mbaambir nuun, soo nu ndax a den, moocand a den no ñofu, ne ta laytuuna a nuun.

A cangatin ale 7:2

Yaa o Yaal oxe Roog nuun a ɓoxotkaa a den na xa ƥay nuun boo nu nqaw a den, fat nu kesanin a den. Nu ngiɓoorkee fa den too nu yirimkee a den.

Haahate we 1:3

Maaga, goor we na carind ale Yudaa a laya we na le Simewon fee o maag um ee: «Ngaryo yoon fa in no fiisel ole i laseena, i songik Kaakanaan we, cinj kaaga, i yoon fa nuun no fiisel ole nuun.» Naaga, we na carind ale Simewon a yoona fo we na le Yudaa.

Haahate we 1:5

Kaa da soƥ a Adoni-Beseq kam Beseq, a songin. Neene, a nqawa Kaakanaan we fo Peeperisi we.

A kim a tedu ke 44:2

Wo Roog, i nanooda fo nof in, paap ke in a mbetandooxa a in ke fi’oona na jamaane den, na pe akaa yaaga.

A kim a tedu ke 78:55

A raxa qeet ke mbaambir den, a las a den saax le na pexey mbanjang ne, a dalin a carind ake Isra’el no ƭiif ke den.

Haahate we 3:5

Neene, Ii-isra’el we a ngenooga a ndeer no Kaakanaan we, Heeheet we, Aa-amori we, Peeperisi we, Hiihiwi we fo Yeeyebus we.

Haahate we 11:32

Yefta a songka Aa-amon waa, soo o Yaal oxe a ɓoxot a den na xa ƥay um.