Haahate we 1:2 - NQAARIIT NE ROOG

² O Yaal oxe a doona yee: «Goor we na carind ale Yudaa na eetkaa o songik, ɓoxotaam saax le na xa ƥay den.»

Haahate we 1:2 Referans Kwoze

Mbeeñil 5:5

Maaga, o leng no maak we a layaxam ee: «Ba o loolat! Ga’iro xeƈa! Njogoy ne na carind ale Yudaa, refna o Ndaan onqe Dawid a maafa, ndax ta ñaƥit xa ñaas ɓetaa ƭaq axe na kayit ale, soo a dortin.»

Hebre 7:14

Ke woorna refu yee o Yaal in no kurcala le Yudaa a rimte, too Moyiis ne’ee o kurcala leene ye ta layaa kaa farna no saasadax we.

A lim ale 7:12

Neeke a ndeepatirit’u: No ñaal eetaand ne: Naason fee o ƥiy Aminadab, na carind ale Yudaa. No ñaal ƭikandeer ne: Netanel fee o ƥiy Suwar, na carind ale Isakaar. No ñaal ndadkandeer ne: Eliyab fee o ƥiy Heelon, na carind ale Sabulon. No ñaal nahkandeer ne: Elisuur fee o ƥiy Sede’uur, na carind ale Ruben. No ñaal ƥetkandeer ne: Selumi’el fee o ƥiy Surisaday, na carind ale Simewon. No ñaal ɓetuu fa lengandeer ne: Eliyasaf fee o ƥiy Dewel, na carind ale Gaad. No ñaal ɓetuu ƭikandeer ne: Elisama fee o ƥiy Amihud, na carind ale Efrayim. No ñaal ɓetuu ndadkandeer ne: Gamali’el fee o ƥiy Pedasuur, na carind ale Manaase. No ñaal ɓetuu nahkandeer ne: Abidan fee o ƥiy Gidoni, na carind ale Bensame. No ñaal xarɓaxayandeer ne: Ahiyeseer fee o ƥiy Amisaday, na carind ale Dan. No ñaal xarɓaxay fo lengandeer ne: Pagi’el fee o ƥiy Okran, na carind ale Aseer. No ñaal xarɓaxay fo ƭikandeer ne: Ahira fee o ƥiy Enaan, na carind ale Neftali. Oxuu refna na den a ci’it’a: - O afnir o jalte xaaliis olaa o meɗel um a fi’na ngap kilo fa genwal liibar fo o ndoon o njalte xaaliis onqaa o meɗel um a fi’na ngap liibar fa genwal liibar no eedir ke no Mbind tedu ne. Oluu refna na xa ƥaxañ axeene kaa yip’el mbiɗel qiiwte diwliin boo a may muut, ndax ta fi’tel sadax tuufe-duufe. - A tokol alaa refna wurus, a may muut fa cuuraay, too o meɗel um a fodir fo ngap a qaaj a ƥetkandeer liibar. - Nqoox fo suk mbaal fo o mbaal onqaa jegna o hiid, ndax da mbi’el sadax toxel. - Suk fambe, ndax ta fi’el sadax fa mbaasnoor pakaad. - Qoox ƭik fo a suk paal a ƥetak fo a suk pambe ƥetak fo fo mbaal fo ƥetuk naa njegna o hiid, ndax da mbi’el sadax camsa’oor.

A lim ale 2:3

We mbogna na carind ale Yudaa, a laay a anddiloor den xan a ref farna fo batand, too fat a ndal maaga, a reefandel na qaw den. Naason fee o ƥiy Aminadab na adooxankaa a den.

Haahate we 1:3

Maaga, goor we na carind ale Yudaa a laya we na le Simewon fee o maag um ee: «Ngaryo yoon fa in no fiisel ole i laseena, i songik Kaakanaan we, cinj kaaga, i yoon fa nuun no fiisel ole nuun.» Naaga, we na carind ale Simewon a yoona fo we na le Yudaa.

Yosuwe 2:24

A laya a Yosuwe yee: «A woora yee o Yaal oxe a ɓoxota saax leene fop na xa ƥay in. Fop we ngenna teen kaa mbiriɓ sax yaam in.»

Haahate we 20:18

Ii-isra’el we a inooxa a ndet Betel, ndax da laamit a Roog ee: «Alum na carind ake in na eetkaa o songik Beebensame we?» O Yaal oxe a doona yee: «A carind ale Yudaa na eetkaa o songik.»

Haahate we 20:28

too Finees fee o ƥiy Eleyasaar fee o ƥiy Aaroon a reeƭu oxe farna teen. A laya yee: «Ndax i mbara o ndakoox o nqire’ik fo Beebensame we fog in, ndi i nqaƴin?» O Yaal oxe a doona yee: «Ndetyo, yaam o feet xam ɓoxot a den na xa ƥay nuun.»