Haahate we 1:1 - NQAARIIT NE ROOG

¹ A cinj fa nqon fee Yosuwe, Ii-isra’el we a laamta o Yaal oxe yee: «Alum na carind ake in na eetkaa o songik Kaakanaan we?»

Haahate we 1:1 Referans Kwoze

Haahate we 20:18

Ii-isra’el we a inooxa a ndet Betel, ndax da laamit a Roog ee: «Alum na carind ake in na eetkaa o songik Beebensame we?» O Yaal oxe a doona yee: «A carind ale Yudaa na eetkaa o songik.»

A lim ale 27:21

Fat a garaa me Eleyasaar fee o saasadax oxe, ndax ta laamtanan o bug ole mi na pexey ‹Urim fee›. Fat mbokatax ne no Ii-isra’el we fop a sutooxaa mbaat da ndokiidaa, yaa ta heblituuna.»

Haahate we 20:28

too Finees fee o ƥiy Eleyasaar fee o ƥiy Aaroon a reeƭu oxe farna teen. A laya yee: «Ndax i mbara o ndakoox o nqire’ik fo Beebensame we fog in, ndi i nqaƴin?» O Yaal oxe a doona yee: «Ndetyo, yaam o feet xam ɓoxot a den na xa ƥay nuun.»

Haahate we 1:27

Xa taan axe Manaase mbaag’ee o ndax we ngenoogna Bet-Se’aan, Tanak, Door, Ible’aam, Megido fo caate ke da mbaxooxna, too Kaakanaan we a maada o ngenaa kam saax laaga.

A sutax ale 28:30

Wo Moyiis, fat o ɓek no safaƈ ne na ɗeetteel o bug ole Roog ‹Urim fee› fa ‹Tumim fee›, da mbodaa a Aaroon no ngang a mbanuu ta garaa mbaambir es. Neene, xan Aaroon a saqaa a den kili no ngang um, ndax ta andaa ke buganuuma Ii-isra’el we, mi o Yaal oxe.»

Haahate we 2:21

mi itam raxkatiim mbaambir den o koor o leng sax no qeet ke Yosuwe a rax’afuleerna soo a xonkaa.

A sutax ale 18:15

Moyiis a doona o seemir um ee: «Xeet fee kaa ngaraa me mi, ndax da laamit o as ole Roog.

Haahate we 2:8

Yosuwe fee o ƥiy Nun too a ref o tag no Yaal oxe a xona, ye ta jegna xa kiid teemeed fo xa kiid xarɓaxay.

Haahate we 2:9

A gase no fiisel ole ta las’eena kam Timnat-Heres no jegel olaa na xa coong axaa Efrayim no ɓemb-roog o janoon ole no joong olaa Gaas.

Haahate we 20:23

Ii-isra’el we a ndeta a loolik mbaambir no Yaal oxe boo no kirand naa, soo a laamit o Yaal oxe yee: «Ndax i mbara o ndakoox o nqire’ik fo Beebensame we fog in?» O Yaal oxe a doona yee: «Ndetyo songik a den!»

Haahate we 20:27

Maaga, Ii-isra’el we a laamta o Yaal oxe xa as. Arka ne no ngiɓoor ne Roog Betel a reeƭu na jamaane faaga,

1 Sami’el 10:22

A laamtahina o Yaal oxe yee: «Ndax o kiin oxene a gara mene?» O Yaal oxe a doona a den ee: «Oxey me ta ɗasna kam tig oo tig ke.»

1 Maad we 22:5

Kaa koy, Yosafat a laya o maad oxe Isra’el ee: «Eeti laamit o Yaal oxe kañ.»