Galati 6:3 - NQAARIIT NE ROOG

³ A jegangaa oxaa na foogaa yee ten fa xoox um o kiin o maak oo, too refee dara, xoox um rek a naxaa.

Galati 6:3 Referans Kwoze

Xa peƭit axe 26:12

O xetangaa fo xaa na fi’ooxaa o cegu yiif, andi yee yaakaar a fanxoy moƴu o yaakaarin.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

1 Korint 8:2

Oxuu foogna yee a jega kaa ta andna, andiran a qool qac.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

2 Korint 3:5

Saɗaand o lay muk ee na pexey kaŋ-kaŋ in i mbi’taa tig. Kaa koy, o waag in, oxe inoora na Roog.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

1Saŋ 1:8

Boo i layna yee i njegee bakaad, kaa i naxaa a qoox in, too ndigil ne refee na in.

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

Xa peƭit axe 25:14

Oxe na ga’atinooraa ci’it too cooxitkee a den, kaa nand nen o ufang.

Saak 1:26

O foogangaa yee kaa o reefaa a Roog, too waagiro o dam ɗelem of, kaa o naxaa a xoox of. Kaa o layaa yee kaa o reefaa a Roog, ndaa a teef a Roog of ɗaxirang dara.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

Galati 2:6

We ndeeƭna aa-adax we – ne ta foogit’eena yaaga too kaaga haaliraam, yaam Roog naagee o samtaa – wiin waaga ƥaat’iraam yiif dara.

A pi ake 5:36

No miñeer ke rek Tudaas a inooxu, a fi’ooxaa o kiin o maak, boo kaa fadna wiin teemeed nahik a ndabiidin. Kaa koy, yaa ta wareena, we ndeefooguuna fop a pictoora nen xa ƥiy tol, too layit’ataand.

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.