Galati 5:1 - NQAARIIT NE ROOG

¹ Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

Galati 5:1 Referans Kwoze

2 Korint 3:17

O Yaal oxe refu Yiif le, too muu Yiif le no Yaal oxe a refna, maaga o jeg xoox of a refu itam.

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

Galati 4:9

Ndiiki koy, ye nu andna a Roog boo ƈut mbaat ye Roog a andna a nuun, nam nu mbugu o nomtoorit na ƭat ale na adna fee jegeerna o njiriiñ, ndax nu ndakoox o ndef faɗ den?

Hebre 10:23

Yaakaar ne i layaa yee i njegaan, fat i ndamin ta saƭik boog, yaam a woora yee xan Roog a fadin ke ta regitna.

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

Galati 4:31

Fog we, yaaga koy i ndefee xa ƥiy no paɗ, ndaa xa ƥiy caambuur.

Mbeeñil 3:3

Wetandooxi boog ne daawtoona fo ne nantoona fa lay fee Roog. Gayeen, too fes pakaad of a cinj. O yokooxangee, xam gar nen o kuuɗ. Xam yen took of na waxtu faa foogooxkeeraxamoona.

2 Piyeer 2:19

Kaa ndegaa a den ee xan a njeg a qoox den, too yaaga fop oo, den fa qoox den kaa ndef faɗ no fi kaa na ɓisaa na fa nqon. Oxuu refna, o paɗ no xe ta nananna a refu.

1 Korint 16:13

Ndiiki koy, yetooxyo, saƭik no ngim onqe, ndef goor, too saƭakinooxaa.

O leetar ole Pool a bindna GIMU WE NGENNA ROM 7:6

Kaam ee, me ta refna i mbate no kebil ke, yaam ke dam’ina a in mbaƭ a xona na in. Ndiiki koy kaa i ndagooxaa a Roog a tagoorooƭ a qas na pexey Yiif Tedu le, soo mbaas a tagoorooƭ a kiid ale me i ndagoortoogna kebil ke.

O leetar ole Pool a bindna GIMU WE NGENNA ROM 6:18

Nu mbate no mbaƭ ne na bakaad fee, soo ndefat faɗ no cofel ole.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

A pi ake 15:10

Ndiiki koy, xar taxu nu mbogaa a Roog, soo ngadnaa daalbe we a toq akaa i ngatleerna, daan in sax ngatliran, ne’katiim in fa qoox in.

1 Korint 7:22

O paɗ oxe o Yaal oxe a mucilna, a jega a xoox um no Yaal oxe, too oxe andoona yee kaa jeg’u a xoox um, Kiristaa a muclangaan, o paɗ um a refataa.

A kim a tedu ke 51:12

Wo Roog, saki na mi xeeñ xoolu, ci’aam yiif xas dalu.

Xa peƭit axe 23:23

Jiki ndigil ne, too ba o jikooxin, ten fo o jeg-yiif fo a cangin fo o ƴiƴ.

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

Efees 6:14

Mbogooxyo boog! Fat ndigil ne Roog a ref o kumnoor ndet nuun, o cofel um a ref ndoki njelem no kang nuun.

Mbeeñil 2:25

Kaa koy, ke nu njegna, ngeekeenoo boo yaa um garkaa.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

2 Tesalonik 2:15

Yaaga boog, fog we, ndamyo a paax, too ngeek fa doole ke i njanginna a nuun, ta ref no ɗelem mbaat no leetar.

1 Tesalonik 3:8

Ndiiki koy, in we moƴaa o saƭik no ñoow in, yaam ne nu ndamooxna a paax no Yaal oxe.

Galati 4:26

Yeerusaleem faa took koy, refee o paɗ, too ten refu ya in,

Galati 3:25

Ye jamaane fee no ngim onqe a fadiidna, kebil ke ndefatee o ƭooɗox in.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

Mace 23:4

Kaa ngumaa toq meɗu kaa ƭomeena ndoxondoox, a mbug wiin we a ngadoox a den, too den fa qoox den mbugee nqol den a duq teen.

O leetar ole Pool a bindna GIMU WE NGENNA ROM 7:3

Boo andoona yee o tew oxe a yoona fo o koor o lakas, too o kor um a maad o ñoowaa, xan a xoyeel o seeseeq, ndaa o kor um a xonangaa, a woktooxa no kebil ke, too a dolooxanangaa o lakas, xoykaand o seeseeq.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

YEGIL MBAAX NE YEESU ne Lik a bindtuuna 5:38

Biiñ fa nqas kam poxos qas a ñolandteel.