Galati 4:8 - NQAARIIT NE ROOG

⁸ Yaaga nu andafulee a Roog, kaa nu mbaɗooxoogu kaa refeerna Roog.

Galati 4:8 Referans Kwoze

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

2 Tesalonik 1:8

kam fiɗel laa na miric-miricnaa. A koom kañ, ta xaw wiin we andeerna a Roog too a mbañ o nanan Yegil mbaax ne no Yaal in Yeesu.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

1 Tesalonik 1:9

Fop kaa laytaa ne nu ndalnit’ina a in fo ne nu mbesitna a cinj tefee Roog ke nu mbaɗooxoogna, soo ngeleeroox, ndax nu mbaɗooxaa a Roog fa ndigil fee na ñoowaa,

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

Esayi 37:19

soo a ndeɓ roog ke na saax akeene na fiɗel. Kaa ndeeƭee roog tiindigil, ndax a ndef soom xa taaƴ a qanq fo a ƥil axaa wiin we a njalna. Ten tax’u boo da mbaag o yaq a den.

2 Caloori ke 13:9

Kaa nu ndax saasadax we no Yaal oxe ndefna xa taan axe Aaroon fo Leelewi we, soo njilan a qoox nuun saasadax nen qeet ke na saax a lakas ake. Oxuu ɓisiid’ina nqoox fo a suk paal ɓetaa ƭaq rek, nu ndalfooxin o mbi o saasadax no ke refeerna Roog.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.

1 Korint 12:2

Nu anda yee, ye nu ndefaa yeefar, kaa nu ndeɓoox’u no pangool ke, mbaɗooxaa a den, den we mbaageerna fa lay.

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

Yosuwe 24:2

Maaga, Yosuwe a laya xeet fee fop ee: «Keeke o Yaal oxe Roog fee Isra’el a layu: ‹Daan we nuun kaa xottoonga na Teerax fee faap Abraham fa Nakoor ngenoogna yaaga no saax o lakas ole no xuluɓ o maak ole Ofrat kaa mbaɗooxoogu roog lakas.

A sutax ale 5:2

Firawon fee a doona a den ee: «An refu o Yaal oxe boo um war o nanan o ñuxur um, xaƴaa xeet fee Isra’el da ndet? Andiim o Yaal oxe too xaƴkiim a den da ndet.»

1Saŋ 3:1

Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

A pi ake 17:23

Yaam ye xaañuuma kam teeru nuun, horooxaam xa paɗoorand axe nuun, too ga’aam teen o faɗoorand olaa bindeena yee: ‹Roog fee i andeerna jegun.› Ke nu mbaɗooxaa, too nu andiran koy, um yegnaa a nuun.

A pi ake 14:12

A nqoyoogata a Barnabaas Sewus fee da mbi’’ina roog fa maak fee den, soo Pool, da nqoyan Hermes fee da mbi’’ina roog fa lakas den, yaam ten saq’u fa lay fee.

YEGIL MBAAX NE YEESU ne Saŋ a bindtuuna 1:10

A qoolaand ale a reeƭa kam adna fee, ndaa ke adna fee a reefandeena no ten fop oo anddiran.

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

O leetar ole Pool a bindna GIMU WE NGENNA ROM 1:23

O ndam onqe helna a Roog fa mbaafkeer fee kaa ƥoxotan nitaal o kiin mbaat ndiiƭ mbaat muumeen mbaat ƥood ndefna kaa na sooƴaa.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 16:20

Ndax o kiin a waaga fi’an a xoox um roog? Ke na mbi’eel ndefee roog.»

Galati 4:3

Neene a reftu na in itam. Ye a yiif in a ndeyafuleerna, kaa i ndeeƭu faɗ na ƭat ale in no mbaax onqe na adna fee.