Galati 4:5 - NQAARIIT NE ROOG

⁵ A gara, ndax ta wat we ndeeƭna faɗ no kebil ke, too a fi a in xa ƥiy Roog.

Galati 4:5 Referans Kwoze

Hebre 9:15

Ten taxu Kiristaa a ref o ndok-a-ndeer onqe no ngiɓoor nqas ne refna a tegdinax, ndax we Roog a xoyna a mbaag o ndaaw paax ke na ndefkaa boo faw, too ta reg’un a den. A mbaagaan o ndaaw, yaam Kiristaa a xona, ndax ta wat wiin we no tooñ ke da mbi’’ina ye da ndefna no ngiɓoor eetaand ne.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Hebre 9:12

Ye Kiristaa a rokna no mbiñ onqaa moƴna o ted jaf leng kut, ɓislooxee fo’oy suk fambe mbaat fo’oy o xeel, ndaa fo’oy um sax sax a ɓislooxu, too a wata a in boo faw.

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

Galati 4:7

Yaaga koy, refatiro o paɗ ndaa o ƥiy o ndime, too o refangaa o ƥiy, Roog a doonaang o ref o lam no ke regteena.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

O leetar ole Pool a bindna GIMU WE NGENNA ROM 9:4

Weene ndefu Ii-isra’el we, too Roog a fi a den xa ƥeem. A feeñla a den o ndam onqe ten, a dalin fa den kiɓoor ke ten, a coox a den kebil ke fo a tegit ake ten, soo a andnoor a den ne ta wareena o faɗoorit.

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

O leetar ole Pool a bindna GIMU WE NGENNA ROM 8:19

Ke Roog a sakna fop a taya o nga yaa Roog a feeñilkaa xa ƥeem kam o ndam den.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Galati 4:21

Nuun we mbugna o ndeef kebil ke Roog ndax nu muc, layangaamoo koy, ndax kaa nu nanee ke kebil ke a layna?

YEGIL MBAAX NE YEESU ne Lik a bindtuuna 1:68

«O Yaal oxe Roog fee Isra’el a hela o simatel, no ke ta fudooxiidna, a watiid xeet um.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

Mbeeñil 14:3

Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

O leetar ole Pool a bindna GIMU WE NGENNA ROM 8:14

We Yiif le Roog a ɗoxaa fop, xa ƥiy Roog a ndefu.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

O leetar ole Pool a bindna GIMU WE NGENNA ROM 10:4

Mee ndax Kiristaa refu muukandoong ne no kebil ke Moyiis, ndax fop we ngimna a njofandel mbaambir Roog.