Galati 4:4 - NQAARIIT NE ROOG

⁴ Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

Galati 4:4 Referans Kwoze

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

O leetar ole Pool a bindna GIMU WE NGENNA ROM 1:3

Yegnit um neene koy, kaa jof no Ƥeem onqe fogna no kurcala le Dawid no fo ɓaal,

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Mark 1:15

Kaa layoogu yee: «Waxtu fee a fada, too Maat ne Roog a matiida. Mbesyo pakaad nuun a cinj, too njaɓ Yegil mbaax ne.»

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

YEGIL MBAAX NE YEESU ne Lik a bindtuuna 2:7

A ñoota a taaw um, ta ref o ƥiy o ngoor. A laxasaan ƭapax, a wondnin no mbalka, yaam nqeƈ’ee maa genar waa a ndaloogna.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

YEGIL MBAAX NE YEESU ne Saŋ a bindtuuna 6:38

Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama.

Yeremi 31:22

Kaa o gapko wirlooxaa boo a mban, o ndoog o nanaƭaru nqe? Yaam o Yaal oxe xe sakaa qas took lanq ke: O tew oxe na waaƭataa o koor oxe.

Hebre 2:14

Yaaga koy, ne xa teɓandoong axeene a ndefna cer fo fo’oy, Yeesu fa xoox um a refaan nen a den, a fog fa den o mem no kiin. A fi’aan, ndax na pexey fa nqon um ta saŋik o ƈiƴ oxe jegna doole fa nqon.

YEGIL MBAAX NE YEESU ne Saŋ a bindtuuna 10:36

yaaga oxe Roog a kesna, a luliidin na adna fee a layangaa yee: O Ƥiy Roog refum, nu mbariran o lay ee: Wenaa a Roog.

Sakari 6:12

Fat o layin ee: ‹Keeke o Yaal oxe Hupna fop a layu: O koor oxe ne’eena Dugatin oxey. Fop xan a jolit ɗuga a caf um, soo ta max Mbind es, mi o Yaal oxe.

Esayi 48:16

Matiidaamoo, ndax nu nan-giloox kene: No kaa xotitna no mberaand naa mosiim o lay na pet, too a koom alaa keene a xewaa, maadaanum. Ndiiki koy, o Yaal oxe na refkaa boo faw a lulaxam fo Yiif um.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

O leetar ole Pool a bindna GIMU WE NGENNA ROM 15:8

Kaam ee, Kiristaa kaa gar, a refat o tag no Yaawuur we, ndax ta feeñil a den ne Roog a gore’itna. Keene kaa jeg, ye ta fadinna ke Roog a reg’ina daan waa den.

A pi ake 1:7

Yeesu a doona a den ee: «Refee yee nuun mbaru o and camaane ke fo baxtu ke Faap fee a geennitna sañ-sañ um.

YEGIL MBAAX NE YEESU ne Lik a bindtuuna 1:31

Xan o ref fo fud, too xan o ñoot o ƥiy o ngoor. Fat o ne’in Yeesu.

Mace 3:15

Took kaaga, Yeesu a doonaan ee: «Jaɓi rek, yaam i mbara o mbadnit nene o cofel ole Roog fop.» Maaga, Saŋ a jaɓa.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

1Saŋ 4:2

Mene i anditkaa Yiif le Roog: Yiif luu jaɓna o weejil a Yeesu Kiristaa fee ceroox’ina, na Roog a inooru.

Hebre 9:10

Sadax keene, kaa njagin na ñaam ale fo na yer ale fo kaa farna no njap. Kaa ndef kebil kaa ndayna no cer ke, too a mbarel o ndeef, boo na jamaane fee Roog a jagandatinna fop.

Kolos 2:14

Ke Roog a bindna no safe um, ta ŋañaa o kiin oo kiin na in, a ref a semb in, a fortaan ye ta rengnoorna a Kiristaa na kurwaa.

O leetar ole Pool a bindna GIMU WE NGENNA ROM 9:5

Kaam ee, den o mat ndefu xa taan axe no daan maak we, soo Kiristaa fee no fo ɓaal a fog na xeet den. Kiristaa feene koy hupu fop, a ref Roog fee heleena o simat. Amiini!

YEGIL MBAAX NE YEESU ne Saŋ a bindtuuna 8:42

Yeesu a laya a den ee: «Roog a reeƭangaa Faap nuun, nu mbexkoogaxam, yaam na Roog inoorum, garaa. Refee yee mi inu a xoox es, o ten luliidaxam.

Mace 5:17

«Ba nu mboog ee kaam laafiid kebil ke Moyiis mbaat ke duleer we a mbindna. Garaam, refee yee ndax um laaf a Pind ake, ndaa ndax um fadin a den.

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

A lim ale 28:22

Fat nu sadaxit itam suk fambe nen sadax fa mbaasnoor pakaad. Neene, xan nu njofoorandel fo o Yaal oxe.

O leetar ole Pool a bindna GIMU WE NGENNA ROM 5:6

Kaa hupna keene sax, ye i maadaa fo o neew doole in, Kiristaa a xonana jofaƭaru we na waxtu fee Roog a liiƥ’ina.

1 Timote 2:6

wuusna o ñis um, ndax ta wat a in, in fop. Neene, ye hap fee a fadna, a cooxta seede yee Roog a buga wiin we fop a muc.

YEGIL MBAAX NE YEESU ne Lik a bindtuuna 20:44

Dawid fa xoox um sax kaa xoyan o Yaal oxe. Nam a waagu o refit o ndaan um koy?»