Galati 4:12 - NQAARIIT NE ROOG

¹² Fog we, ngela nandandooraamoo, yaam nandataam fa nuun we ndefeerna Yaawuur. Nu mos’iraam o mbi kaa ɗomaxama, ndaa ndiiki nuun we mbi’an.

Galati 4:12 Referans Kwoze

2 Korint 2:5

A soƥangaa yee kaa jeg’u oxaa naqadiloogna, refee yee mi a naqadilu, ndaa nuun fop. A refa o ndik na nuun oo, yaam ndik ta ref ƥaaɓaatin na mi.

1 Maad we 22:4

A laamta o maad Yosafat ee: «Ndax xan o yoon fa mi na xire faa, ndax um jangatin a Ramot kam Galaad?» Yosafat a doonaan ee: «Mi fa wo leng kut i ndefu, xeet es a ref xeet of, pis es a ndef pis of.»

Mberaand 34:15

I mbaagee o njaɓan a nuun keene, a refangee boog kaa nu mbi nen a in, nqucoox, goor we a ndeer nuun fop a nqucoox.

Galati 6:14

Mi o mat, a refangeerna a kurwaa le no Yaal in Yeesu Kiristaa, bugiim o fakoor lakas. Ke yaawooguuma na adna fee fop, yaawatinum, yaam kaam nand nen oxaa xonna, too a kurwaa le Kiristaa soom taxun. Ñoowtatiim ne adna fee a ñoowtaa, too adna fee ñoowtee ne um ñoowtataa.

Galati 2:14

Ye ga’uuma yee njagnee no Yegil mbaax ndigil ne, dalfooxaam o lay a Kefaas mbaambir no fop ee: «Wo fee refna o Yaawuur, too naagiro o ñoowtaa nen o Yaawuur, xar taxu o seraa we ndefeerna Yaawuur, da mbi nen Yaawuur we?»

2 Korint 6:13

Ndiiki koy, kaam layaa fa nuun nen kaa nu ndef xa ƥees ŋaƈit: Njegyo na in o liir ne i njegtuuna na nuun.

A pi ake 21:21

Weene kaa nan ee kaa o jangnaa Yaawuur we ngenna a ndeer no we ndefeerna Yaawuur, da mbes kebil ke Moyiis a cinj, doon teen layaa yee: Ba nu nquc xa ƥiy nuun, too ba nu ndeef o mbaax onqe nuun!

Galati 6:18

Yaaga koy fog es, yaasam yirmande fee no Yaal in Yeesu Kiristaa a ref fo a yiif nuun. Amiini.

2 Korint 6:11

I laya fa nuun fop, too i ƭasee a nuun dara, nuun qaariit in ke ngenna Korint, kaa i mbetan a nuun a qeeñ in.

Galati 4:11

Kaam diidaa sax, ndik ke jalanuuma a nuun fop a ref kasaara.

Galati 4:13

Nu anda a paax ee jir tax’u um yegnaa a nuun pitik Yegil mbaax ne.