Galati 3:11 - NQAARIIT NE ROOG

¹¹ A woora yee mbaambir Roog, o leng jofandkaand, yaam ne ta fi’aa ke kebil ke a layna, yaam a binde yee: «Oxuu Roog a ɗeetna nen o cofu yaam ne ta gimna, xan a ñoow.»

Galati 3:11 Referans Kwoze

Habakuk 2:4

Xeet feene kaa magnandoox too njofee. Kaa koy, o cofu xe xan a ñoow, yaam ne ta gimna na Roog.»

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

Hebre 10:38

Neene koy, oxuu ɗeetuuma nen o cofu, xan a ñoow na pexey o ngim um. Kaa koy, a nomtooxangaa a cinj, sawarkatiim no ten.»

Galati 2:16

Kaa koy, i anda yee o leng ɗeetkaand nen o cofu mbaambir Roog, yaam ne ta fi’aa ke kebil ke a layna, ndaa yaam ne ta gimna na Yeesu Kiristaa. In sax, i ngima na Kiristaa Yeesu, ndax Roog a ɗeet a in nen jofu. Keene koy, refee yee yaam ne i mbi’aa ke kebil ke a layna, ndaa yaam ne i ngimna na Kiristaa, yaam i anda yee o leng ɗeetkaand nen o cofu yaam ne ta fi’aa ke kebil ke a layna.

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

Saak 3:2

A caf a mayu kaa i njuumaa, in fop. O kiin a juumangee na fa lay, o kiin tigi yoo. A waaga o dam cer um fop.

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

A kim a tedu ke 19:12

O Yaal oxe, mi fee o tag of kaam xottaa teen a maƭax, too oxuu na gayaa a den, xan a daaw saɗig maak.

Ke bindeena no xe ne’eena YOB 40:4

«Mi kañ, refiim tus, ndi xar um doonkang boog? Kaam dam o don es.

Ke bindeena no xe ne’eena YOB 9:3

A bug’angaa o layoor fo ten, waagkee o jaaɓ leng sax no laamit juni um.

1 Maad we 8:46

Xeet of a mbakaadangaa na wo, yaam jegee o kiin oxaa bakaadkeerna, boo o fuuxan a den soo ɓoxot a den fañ den, da ƥis a den gilaa saax took o hup doole, ta goƭ mbaat ta mat,

A kim a tedu ke 143:2

Ba o layoor fa mi fee o tag of, yaam jegee o leng oxaa jofna mbaambir of.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.