Galati 3:1 - NQAARIIT NE ROOG

¹ Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.

Galati 3:1 Referans Kwoze

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

Mbeeñil 2:20

Kaa koy, a jega kaa ɗomaxama na wo: Kaa o waas o tew oxe ne’eena Isebel na layooxaa o tuleer Roog, soo a naxaa dag we mi. Kaa jangnaa a den ee da seeqaa, soo a ñaamaa a tegeƴ akaa sadaxeena pangool.

Galati 1:6

Kaam jaaxiɗ, yaam ne nu ñofna boo nqaƴaa oxe xoyitna a nuun yirmande, soo suuraa no yegil mbaax lakas.

1 Piyeer 4:17

Yaam kaa ref waxtu faa hate fee a xotitkaa no mbind ne Roog. A refangaa yee na in a eetitkaa, xar na refkaa muukandoong no we mbañna o ngim Yegil mbaax ne Roog?

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Hebre 11:8

O ngim tax’u Abraham a jaaɓ o xoy ole Roog, a ret no saax jan le Roog a reg’uuna. Naaga, Abraham a reta, too andee me ta hakkaa.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Galati 4:9

Ndiiki koy, ye nu andna a Roog boo ƈut mbaat ye Roog a andna a nuun, nam nu mbugu o nomtoorit na ƭat ale na adna fee jegeerna o njiriiñ, ndax nu ndakoox o ndef faɗ den?

Galati 3:3

Ndax neene nu ñaktu a qoox? Ye nu mberitna no Yiif le Roog boo ƈut, ndax kaa nu mbugin o muukit na doole qoox nuun?

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Efees 5:15

Mbootooxyo a paax boog na ñaaƈnooƭ nuun. Ba nu ndef nen waa ñakna o and ndaa nen jegu o and.

1 Timote 6:4

oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

Galati 2:14

Ye ga’uuma yee njagnee no Yegil mbaax ndigil ne, dalfooxaam o lay a Kefaas mbaambir no fop ee: «Wo fee refna o Yaawuur, too naagiro o ñoowtaa nen o Yaawuur, xar taxu o seraa we ndefeerna Yaawuur, da mbi nen Yaawuur we?»

1 Korint 11:26

A mbanuu nu ñaamaa mbuuru ne, yeraa no kaas ole, kaa nu yegnitaa fa nqon fee no Yaal oxe boo no ñaal naa ta nomtooxiidkaa.»

1 Korint 2:2

Bug’iim o layit dara a ndeer nuun, a refangee Yeesu Kiristaa, moƴtaa sax Yeesu Kiristaa fee rengeena na kurwaa.

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

O leetar ole Pool a bindna GIMU WE NGENNA ROM 2:8

Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.

A pi ake 6:7

Fa lay fee Roog a moƴ’a joot, daalbe we a moƴ o may kam Yeerusaleem, too mayu no saasadax we a ngima na Yeesu.

Mbeeñil 18:3

A yerna qeet ke fop biiñ fee ten refna ceeq. Maad we na adna fee fop a seeqa fo ten, soo jiijikax we na adna fee sax a njegit halal no neq um.»

2 Tesalonik 1:8

kam fiɗel laa na miric-miricnaa. A koom kañ, ta xaw wiin we andeerna a Roog too a mbañ o nanan Yegil mbaax ne no Yaal in Yeesu.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

2 Korint 10:5

nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.

1 Sami’el 13:13

Sami’el a laya a Sawul ee: «Ke fi’oona ƭof oo! Nananiro kebil ne o Yaal oxe Roog of a cooxoonga. A reeƭangiran, o Yaal oxe geenooxkoogu maat of kam Isra’el boo kili!

O leetar ole Pool a bindna GIMU WE NGENNA ROM 10:16

Kaa koy, fop njaɓee Yegil mbaax ne. Ten taxu Esayi a lay’u yee: «O Yaal oxe, an gimu ke ta nanitna na in?»

A cangatin ale 32:6

Xeet fa ƥodaxu too a ñak o and, ndax keene nu ndabidkaa o Yaal oxe? Ndax kaa refee faap nuun fo o saasak nuun? Ndax kaa fi’ee a nuun, a mool a nuun?

YEGIL MBAAX NE YEESU ne Lik a bindtuuna 24:25

Maaga, Yeesu a laya a den ee: «Nuun soo ñak a yiif, too xeeñ nuun a niid o gim ke na layeel no duleer we fop!

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Mace 7:26

Oxuu nanna ke um layaa koy too reefiran, xan a nand fo o koor o ƭofu xaa sinjna mbind um kam mbuuƴ ne.

A pi ake 16:6

Yiif Tedu le a xañta a den da yegnit fa lay fee Roog kam o jegel olaa Asi. Ten taxu a nqaaña o jegel olaa Firigi fo olaa Galati.

Galati 1:2

Mi na bindaa a nuun, mi fo fog we ndefna fa mi fop, nuun pokatax ke ndefna kam o jegel ole Galati.

Galati 5:11

Fog es, boo maaduuma o waare’aa yee o kiin a wara o xucel, soo a sogkaa o jeg a muc, yaaga xar taxu um ñagadileel boog, yaam a reeƭit’angaa neene, ke um waare’aa na Kiristaa fee rengeena na kurwaa feƭarkoogatee wiin we?