Galati 2:9 - NQAARIIT NE ROOG

⁹ Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

Galati 2:9 Referans Kwoze

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Galati 2:2

yaam Roog a feeñooxaam, a heblaam a ñaaƈ aleene. Ye retuuma, wootaam fo aa-adax we soo lal a den Yegil mbaax ne um waare’aa kam we ndefeerna Yaawuur, ndax jalkiim mbaat ta ref ee kaam jal calel cegee xoox.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

1Saŋ 1:3

Mexe dakooxan o lay a nuun ee: Ke i nga’na, nanin, i yegnaa a nuun, ndax nu mbog fa in, ne i mbogitna fa Faap fee, mbogit neen fa Yeesu Kiristaa fee refna o Ƥeem.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

1 Timote 3:15

Kaa koy, um waagangee o ñof o gar, xan o andat ne o kiin a warna o ñoowtaa no ƥasil ne Roog. Ƥasil neene refu mbokatax ne no we ngimna na Roog fa ñoow jok fee, a ref itam a toodook ale jaƭna ndigil ne.

Kolos 1:29

Keene itam refu calel es, um gomriteel doole um, ta jalaa na mi fa katil.

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

2 Korint 8:4

a nqeɗa a in, too a saƭik teen bo, ndax da mbaag o ci’el a mbog no calel keene refna ref o ndimle no tedu we ngenna kam Yudee.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

O leetar ole Pool a bindna GIMU WE NGENNA ROM 15:15

Yaqanee toox de, um bind a nuun fo njambaar na seek a leng-leng kam o leetar es, ndax um wetand a nuun ke nu njangneena yaaga. Kaam bindit neene yaam yirmande fee Roog a fudinna took es,

A pi ake 15:13

Ye da ƈutna fa lay, Saak a doona yee: «Fog we, nan-gilooxaamoo!

A pi ake 15:7

Yaa da ñimatirna boo ta sum, Piyeer a inooxa, a lay ee: «Fog we, nu anda yee Roog a miñaxam o jilit a ndeer nuun, ndax na pexey o don es, we ndefeerna Yaawuur a nan fa lay fee no Yegil mbaax ne, too a ngim.

A pi ake 4:36

A jeg’a koy o Leelewi xaa rim’eena Sipere. O koor oxaaga Yoseef a ne’’e. Apootar we kaa lastitoogun Barnabaas, tekitna yee «Oxe na saƭakinaa».

Mace 16:18

Mi koy, mexe layang ee: Wo refu Piyeer. Took ɓil leene um maxkaa o fog ole no gimu we mi. Fa nqon fee sax waagankiran dara.

2 Maad we 10:15

Yehu a inoora maaga, a ga a Yoonadab fee o ƥiy Rekab, ta garaa farna fo ten. Yehu a simnaan soo a layin ee: «Ndax fexaxamo no xeeñ of ne fextoonga no xeeñ es?» Yoonadab a doonaan ee: «Ii, mi daɗong!» Yehu a layaan ee: «Yaaga boog, cooxaam o ɓay!» Yoonadab a cooxaan o ɓay, soo Yehu a ŋaaynin na sareet-xire le ten.

YEGIL MBAAX NE YEESU ne Lik a bindtuuna 22:8

Yeesu a lula a Piyeer fa Saŋ, too a lay a den ee: «Ndetyo njawanik a in a cu’ax ale na bes fee na Colandax ale, ndax i ñaam!»

YEGIL MBAAX NE YEESU ne Saŋ a bindtuuna 1:42

A ɓisaan maa Yeesu itam. Yaa Yeesu a ga’uuna, a layaan ee: «Wo refu Simoŋ o ƥiy Saŋ, ndiiki koy, feranaaxong Kefaas.» (Kaa tekit ‹o ƥil›).

A pi ake 12:17

Piyeer a caxa a den fo o ɓay um, ndax da tiim. Maaga, a wetandooxa a den ne o Yaal oxe a muclit’uuna na kaso faa, too a doona teen ee: «Mbetandooxeenoo a Saak fo fog gimu lakas we.» Cinj kaaga, a sutooxa, a ret o mbiñ o lakas.

2 Korint 11:5

Andaam ee falakaniim apootar hupalu weene na dara.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

Galati 1:16

a feeñlaxam o Ƥeem, ndax um yegnitin kam we ndefeerna Yaawuur. Ndak fo ndak, waaƭ’atiim o kiin oxaa asaxama.

Galati 1:18

Yaa i moofna boo njeg xa kiid xa tadaq, retaam Yeerusaleem, maa Kefaas fee refna ref Piyeer, dal no mbind um boo jeg maaga ñaal xarɓaxay fo ñaal ƥetik.

Galati 2:1

Cinj xa kiid xarɓaxay fo xa kiid xa nahaq, dakooxaam o nomtoox Yeerusaleem, yoon fa Barnabaas fa Tiit,

Galati 6:3

A jegangaa oxaa na foogaa yee ten fa xoox um o kiin o maak oo, too refee dara, xoox um rek a naxaa.