Galati 2:8 - NQAARIIT NE ROOG

⁸ Roog fa leng kut fee xiirna a Piyeer ta refat apootar a ndeer we nqucooxna, xiiraxam um refatin itam a ndeer we nqucooxeerna.

Galati 2:8 Referans Kwoze

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

A pi ake 22:21

Maaga, o Yaal oxe a layaxam ee: ‹Reti rek, yaam xam lulong maa goƭna, farna fo qeet ke ndefeerna Yaawuur.› »

A pi ake 21:19

Maaga, Pool a simnira fa den, a wetandoox a den ke Roog a fi’’ina no we ndefeerna Yaawuur fop a reefandin no calel ke ten.

A pi ake 15:12

Maaga, moofand naa fop a naaga cel a nan-gilooxaa a Barnabaas fa Pool, da mbetandooxaa xa anddiloor axe fo comlaand ke Roog a fi’nooroogna a den a ndeer no we ndefeerna Yaawuur.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

1 Korint 9:2

Um refangee apootar na kid no wiin lakas, ten refum na nuun, yaam nuun ndefu xa tim axe no ke jalanuuma o Yaal oxe.

A pi ake 8:17

Maaga, Piyeer fa Saŋ a ndoona a den xa ƥay, too a ndaawa Yiif Tedu le.

A pi ake 4:4

Na waxtu faaga, mayu no we nan’ina fa lay fee Roog a ngim’a, boo goor gimu we fop a mbadat ngap cuni ƥetik.

A pi ake 1:25

ndax ta rondand a Yudaa na seek um ale refna calel apootar kene ta xaƴna, soo a xaad me ta jegeena.»

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

Kolos 1:29

Keene itam refu calel es, um gomriteel doole um, ta jalaa na mi fa katil.

Galati 3:5

Oxe ci’na a nuun Yiif um too a fi’aa a pi katil a mayu a ndeer nuun, ndax kaa fi’an yaam ne nu ndeefaa ke kebil ke a layna, ndi yaam ne nu nanna Yegil mbaax ne too ngimin?

A pi ake 19:26

Kaa nu nga’ee, ndi kaa nu nanee ke o koor oxene, tee Pool oo, a fi’na? Kaa lambnaa yee ‹Nitaal ke nu mbi’na roog ndefee Roog.› Ndiiki koy, oxe gimnooraa wiin mayu, refee kam Efees soom, ndaa boo no moƴ-o-jaak olaa no jegel olaa Asi sax a ngima.

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.