Galati 2:4 - NQAARIIT NE ROOG

⁴ A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

Galati 2:4 Referans Kwoze

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

Galati 5:1

Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

Galati 4:3

Neene a reftu na in itam. Ye a yiif in a ndeyafuleerna, kaa i ndeeƭu faɗ na ƭat ale in no mbaax onqe na adna fee.

2 Korint 11:26

Kaam ñaaƴoogu mayu, soo xettaa taamaala caaku kaa inoorna na xa quluɓ axe, na cuut ake, no fog es Yaawuur we fo no we ndefeerna Yaawuur. Xettaam itam taamaala kam teeru ke, na koƥ-a-ƥor ale, no maag ole fo kaa inoorna no fog kerceen maamaaɓ we.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

2 Piyeer 2:19

Kaa ndegaa a den ee xan a njeg a qoox den, too yaaga fop oo, den fa qoox den kaa ndef faɗ no fi kaa na ɓisaa na fa nqon. Oxuu refna, o paɗ no xe ta nananna a refu.

2 Timote 3:6

A jega na den waa na ndokaa kam pind ke, a ƭooqlooxaa rew we yooɓna naxel, pakaad den a mbiiqilna, a yuxum a pagkatar a maƥ a den.

Galati 5:10

A wooraxam ee no Yaal oxe nu njegkee a qalaat a lakas akaa njektirna fo we nu eetna o njeg. Kaa koy, oxe na jom’andaa a nuun, oxuu ta waagna waag o ref, xan Roog a xawin.

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

2 Korint 11:13

Wiin weene apootar maamaaɓ a ndefu fo jaajal laalaal waa mbi’ooxna apootar Kiristaa.

2 Korint 3:17

O Yaal oxe refu Yiif le, too muu Yiif le no Yaal oxe a refna, maaga o jeg xoox of a refu itam.

A pi ake 20:30

A ndeer nuun sax xan a jeg waa na inooxkaa, a njangnaa xa koɓong xa ƥor, ndax da sakan a qoox den daalbe.

A pi ake 15:24

I nana yee leng-leng no we inoorna na in, i ngebleerna tus no kaa farna no keene, owe njom’andaa a nuun, too a ngal’andaa a nuun fo fa lay.

A pi ake 15:1

A jeg’a wiin leng-leng waa inoor’ina Yudee, a njangnaa o fog ole yee: «Nu nqucooxangee ne kebil ke Moyiis a simtituuna, nu mbaagkee muc.»

Esayi 51:23

Xam cooxin we na ñagadilang, den we layoogoonga yee: ‹Ɗaasooxi ndax i ñaaƴ took of.› Maaga, kaa o xaƴ’u ndiiñ of faŋ nen lanq, wiin we a nduutan nen mbed.»

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

Galati 4:25

O Joong olaa Sinayi no saax laa Arabi refu Agaar. A nanda fa Yeerusaleem fee ndiiki refna no mbaƭ, ten fo xa ƥeem.

2 Korint 11:17

Ndiiki koy, fa lay es refatee na pexey no Yaal oxe, kaa refat nen ƭof, too itam a wooraxam ee jegaam pakoor.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

A kim a tedu ke 119:45

Kaam ñaaƴaa fo o laaw o dalu, yaam bargal of um widaa.

A kim a tedu ke 51:12

Wo Roog, saki na mi xeeñ xoolu, ci’aam yiif xas dalu.

Galati 1:7

Refee koy ee kaa jeg yegil mbaax lakas, ndaa kaa jeg wiin waa na njom’andaa a nuun, a mbug o yaq Yegil mbaax ne Kiristaa.

Saak 1:25

Oxuu doonna a kid um no kebil ndeyu ne Roog na wataa wiin we, a saƭik teen, a gayan, a fañ o weec ke ta nanna, xan Roog a barke’in yaam ke ta fi’na.

YEGIL MBAAX NE YEESU ne Lik a bindtuuna 5:38

Biiñ fa nqas kam poxos qas a ñolandteel.