Galati 2:2 - NQAARIIT NE ROOG

² yaam Roog a feeñooxaam, a heblaam a ñaaƈ aleene. Ye retuuma, wootaam fo aa-adax we soo lal a den Yegil mbaax ne um waare’aa kam we ndefeerna Yaawuur, ndax jalkiim mbaat ta ref ee kaam jal calel cegee xoox.

Galati 2:2 Referans Kwoze

Galati 2:6

We ndeeƭna aa-adax we – ne ta foogit’eena yaaga too kaaga haaliraam, yaam Roog naagee o samtaa – wiin waaga ƥaat’iraam yiif dara.

Filip 2:16

nu ƥisaa a den fa lay fee na ci’taa o ñoow. Yaaga, na bes faa Kiristaa a nomtooxiidkaa, xam waag o fakoox yaam nuun, and ee ke ƴufanooguuma fe’ee a koƥ, den fo calel es.

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

1 Korint 9:26

Ten taxu um sag, fañ o sagit nen o puul, tiq es, um and ne um fadtaa a den, nen o cegu xa kep.

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

1 Korint 9:24

Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.

1 Korint 2:2

Bug’iim o layit dara a ndeer nuun, a refangee Yeesu Kiristaa, moƴtaa sax Yeesu Kiristaa fee rengeena na kurwaa.

A pi ake 15:12

Maaga, moofand naa fop a naaga cel a nan-gilooxaa a Barnabaas fa Pool, da mbetandooxaa xa anddiloor axe fo comlaand ke Roog a fi’nooroogna a den a ndeer no we ndefeerna Yaawuur.

A pi ake 15:4

Yaa da mbadiidna Yeerusaleem, mbokatax ne no gimu we fo maak waa fo apootar waa a ndalna a den, too Pooliin a mbetandooxa a den ke Roog a fi’’ina fa den fop.

Filip 2:29

Ndalniteenoo nen o pog nuun no Yaal oxe fo o ɗaay o deyu sik, niw wiin we nandna nen o ten,

Galati 1:16

a feeñlaxam o Ƥeem, ndax um yegnitin kam we ndefeerna Yaawuur. Ndak fo ndak, waaƭ’atiim o kiin oxaa asaxama.

A pi ake 23:11

Yaa tigaa a yengna, o Yaal oxe a feeñooxa a Pool, a geenoox mbaambir um, too a layin ee: «Saƭakinooxi rek! Ne seede’antaxa­moona kam Yeerusaleem fene, neene o mat o seede’anitkaxam kam teeru faa Rom.»

A pi ake 18:9

O Yaal oxe a feeñooxa a Pool o yeng, too a layin ee: «Ba o saɗar tus! Layi, too ba o tiim,

A pi ake 5:34

Kaa koy, a jega a ndeer den o Farisiya xaa ne’eena Gamaliyel. Xeet fee fop kaa niw’un. O caajangin no kebil ke Moyiis a reeƭu. Naaga a inooxa, a geenoox a ndeer no Mal maak naa, a hebil ee fat apootar we a sutel o ndik rek.

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

O baawaare xe 10:1

Buƈ qonu ke kaa mbotandaa soo a ñolandaa diwliin fee no caajaxas qeeñe-xeeñe xe. Ƭof ndutuuñ a waaga ñuf o jeg-yiif tigi.

A pi ake 15:2

Pool fa Barnabaas a ñimatir’a fa den ñimatir ƭomu no kaaga. Maaga, Pool fa Barnabaas fo leng-leng no fog ole Ancook a ngeble a ndet Yeerusaleem maa no apootar waa fo maak waa, ndax da njokit kaa farna na fa lay feene.

O leetar ole Pool a bindna GIMU WE NGENNA ROM 9:16

Keene koy, inooree no ke o kiin oxe a bugna mbaat na koorgoorlax um, ndaa kaa inoorit toqet na Roog fee jegna yirmande.

2 Korint 12:1

Kaam ee, ke ta refna gaaf faaxeer fop oo, waagiim o ñak o fakoox. Ndiiki koy, kaam layiidaa xa ƭaaɗ fo peeñil kaa o Yaal oxe a cooxaxama.

Galati 1:6

Kaam jaaxiɗ, yaam ne nu ñofna boo nqaƴaa oxe xoyitna a nuun yirmande, soo suuraa no yegil mbaax lakas.

Galati 1:12

Daawtinum no kiin, too o kiin jangniraam o ten itam: Yeesu Kiristaa fa xoox um feeñlaxam o ten.

Galati 5:7

Nu mber’a o ndeefaa a Yeesu a paax. An ƴiƴtu a nuun boo a tax nu nananatee ndigil ne?

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.