Galati 2:12 - NQAARIIT NE ROOG

¹² Ye we inoortiid’ina maa Saak a mbadiid’afuleerna, Kefaas kaa ñaamoogu fo gimu we ndefeerna Yaawuur, ndaa yaa da mbadiidna mbadiid rek, ta dalfoox o naag kuraac a sayoox, yaam ndik we sertoogna nquc a layin tig.

Galati 2:12 Referans Kwoze

A pi ake 10:28

Piyeer a laya a den ee: «Refee nu anda yee a ƭat no Yaawuur kaa xañtaam um fokatoor fo o tefee o Yaawuur mbaat um rok no mbind um. Mi o mat, Roog kaa lalaam ee wariim o ɗeet o kiin o leng nen tiimbel mbaat qoolaƭaru.

YEGIL MBAAX NE YEESU ne Lik a bindtuuna 15:2

Farisiya we fo saasadax maak we kaa ñuxmatilooxoogu, a layaa yee: «O koor oxeeke kaa dalnaa baabakaad we, soo a ñaamaa fa den.»

Efees 3:6

Keeke refu kunpa feene: Na pexey Yegil mbaax ne, we ndefeerna Yaawuur a njega a las fo Yaawuur we no ke Roog a geekanna xeet um. A ndefata njer leng kut, soo a mbog, den itam na tegit a leng kut ale Roog a regitna na Kiristaa Yeesu.

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

1 Tesalonik 5:22

paaxeer kuu ndefna nu ngoƭan.

Efees 2:15

A laafa kebil ke no Yaawuur we fo bargal ke den na pexey fa nqon um, ndax ta fi xa kurcala xa ƭaq axeene, da ndefat xeet fa leng kut fa nqas, yaa da mbogna fo ten. Neene o mat a dalnitu jam fee.

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

Esayi 57:11

Ndi an saɗaroogo boog, an fit’o boo a tax o maaɓaxam, fañ o xalaatataam soo weecaam? Andum ne maar’uuma o don es yaaga boo fa ndiik taxu saɗariraamo.

Xa peƭit axe 29:25

O saɗaraa wiin we kaa ref mbog, oxe hoolooxna o Yaal oxe mat a refaa no woor.

A pi ake 12:17

Piyeer a caxa a den fo o ɓay um, ndax da tiim. Maaga, a wetandooxa a den ne o Yaal oxe a muclit’uuna na kaso faa, too a doona teen ee: «Mbetandooxeenoo a Saak fo fog gimu lakas we.» Cinj kaaga, a sutooxa, a ret o mbiñ o lakas.

Galati 2:14

Ye ga’uuma yee njagnee no Yegil mbaax ndigil ne, dalfooxaam o lay a Kefaas mbaambir no fop ee: «Wo fee refna o Yaawuur, too naagiro o ñoowtaa nen o Yaawuur, xar taxu o seraa we ndefeerna Yaawuur, da mbi nen Yaawuur we?»

YEGIL MBAAX NE YEESU ne Lik a bindtuuna 5:38

Biiñ fa nqas kam poxos qas a ñolandteel.