Galati 1:9 - NQAARIIT NE ROOG

⁹ I layaan a nuun yaaga, too mexe dakooxan o lay a nuun na waxtu fene: O kiin a yegnangaa a nuun yegil mbaax lakas naa fogreerna fo ne nu ndaawna, kaam ee xan a halakoox.

Galati 1:9 Referans Kwoze

O leetar ole Pool a bindna GIMU WE NGENNA ROM 16:17

Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.

Xa peƭit axe 30:6

Ba o layanin kaa ta layeerna, yaam ndik ta damtong fa lay of, soo o ɗeetel nen o maamaaɓ.

A cangatin ale 4:2

Nu ƥaatkee dara na fa lay fee um cooxaa a nuun, too nu mbatinkee teen tig itam, ndaa fat nu ngay kebil ke no Yaal oxe Roog nuun, ne um cooxtan a nuun.

2 Korint 1:17

Ndax kaam caaxaanoogu no waaj es leene? Kaam ee, ndax yuuƥ es neene kaa reeƭu o bug es soom, mi fee refna o kiin sang um, boo a taxkaa um lay ƭik «ii» fa «ha’aa».

Filip 3:1

Fog es, mbelakinooxyo no Yaal oxe. Dapatinaa leng kut ke no leetar oleeke xijliraam, too ten na saƭakinaa a nuun.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

Yeremi 23:16

Keeke o Yaal oxe Hupna fop a layu: «Ba nu nan-giloox ke duleer weene a yegnaa a nuun. No yaakaar mbooreer a ƥekaa a nuun, a layaa peeñil ke no xeeñ den doŋ, ngateerna no don es.

A pi ake 18:23

A yoqa maaga miñu, cinj kaaga ta ret. A xaaña o jegel olaa Galati fo olaa Firigi, a saƭakinaa daalbe we fop no ngim den.

O leetar ole Pool a bindna GIMU WE NGENNA ROM 9:3

Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.