Biblia Todo Logo
Bib sou entènèt

- Piblisite -




Galati 1:8 - NQAARIIT NE ROOG

8 Kaa koy, a refangaa yee in fa qoox in sax mbaat malaaka faa inoorna na asamaan na yegnitaa yegil mbaax lakas naa refeerna ne i mbaare’na, xan a halakoox.

Gade chapit la Kopi




Galati 1:8
23 Referans Kwoze  

I layaan a nuun yaaga, too mexe dakooxan o lay a nuun na waxtu fene: O kiin a yegnangaa a nuun yegil mbaax lakas naa fogreerna fo ne nu ndaawna, kaam ee xan a halakoox.


Oxuu fexeerna o Yaal oxe, yaasam ta halakel. Maranaa ta! (O Yaal in, koo gari!)


Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.


Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,


Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.


Naaga, a ndeta maa no saasadax o maak oxaa fo maak waa, too a lay a den ee: «Kaa i ndaaɓoox ee feek i mbaree a Pool, i luuxkatee ngaaf.


A jegangaa oxaa na xaajaa gimu we, maƭooxeen boo ngap a caf a ƭak, a waasangee ke ta fi’aa, fat o riƈatooxin,


Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»


Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.


Maaga, Piyeer a dalfooxa o daaɓoox, too a gaañ ee: «Ndeer es fa Roog, andiim o kiin oxeene nu ne’aa.»


We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»


Xasanaam a den soo saloox a den. Xawaam leng-leng na den soo ɓuut wiil den. Cinj kaaga, daaɓooxnooraam a den no gon Roog da mbañ o ci’tat xa ƥiy den a tolax me no goor jan we mbaat da ngilgan xa ƥiy xa koor axe den mbaat a qoox den rew jan.


Daali maad, kaam xeɗang o nan-giloox a ƭelem es, mi fee o tag of: A soƥangaa yee o Yaal oxe riñong boo o siiknoor neeke fa mi, fat a jaɓaam nen sadax faa feluuna tuñ bo! Ndaa a soƥangaa koy ee wiin ndiñong teen, yaasam o Yaal oxe a halak a den. Xaye kaam raxeel, fañteel o moof no saax le o Yaal oxe a ci’na xeet um, nand fo xaa layeena yee: Reti o faɗook roog can ke.


Ndiiki koy, nu ngalakooxa! Faɗ nu ndefkataa boo kili, ndaxananaa Mbind ne na Roog es soo ƈeewanan.»


Maaga, a laya yee: «Kanaan a salooxe, fat a ref no maag we ten o paɗ oxe moƴna o hees!»


O tuleer o nogoyu xe koy a xoxa, a layin ee: «Mi itam o tuleer refum nen a wo. Malaaka a daawnaxam fa lay feeke no Yaal oxe yee: ‹Ɓiseen no mbind of, ndax ta ñaam soo a yer.› » No keene fop koy, kaa ta maaɓoogun.


Keeke o Yaal oxe Hupna fop a layu: «Ba nu nan-giloox ke duleer weene a yegnaa a nuun. No yaakaar mbooreer a ƥekaa a nuun, a layaa peeñil ke no xeeñ den doŋ, ngateerna no don es.


Kaa koy, nu laamitkatee yee: ‹Xar refu a toq ale no Yaal oxe?› yaam oxuu refna fa lay um na refkaa a toq um. Kaa nu sufaalaa fa lay fee na Roog fa ñoow jok fee, no Yaal oxe Roog in Hupna fop.


Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.


Swiv nou:

Piblisite


Piblisite