Galati 1:21 - NQAARIIT NE ROOG

²¹ Cinj kaaga, retaam no jegel olaa Siri fo no jegel olaa Silisi.

Galati 1:21 Referans Kwoze

A pi ake 15:41

A xaaña kam Siri fa Silisi, a dif’aa pokatax ke no gimu we kam o ngim onqe.

A pi ake 9:30

Yaa fog gimu waa a yeguuna, a ƥisaan Kesare, soo a ngeblin ta ret Tars.

A pi ake 6:9

Goor leng-leng a mbañrooga fo ten: Den ndeeƭu we mbog’ina no mbind a qeƭ naa xoyoogeena «Mbind ne no Faɗ wate we», weeke Yaawuur we Kireen fo we Aleksandiri, lakas we a ndef Yaawuur we Silisi fo we Asi. Wiin weene fop kaa ñimatiroogu fa Eceen,

A pi ake 15:23

A cooxa a den o leetar olaa bindeena yee: «In fog nuun, ndefna apootar we fo maak we, in we simnaa a nuun, nuun fog gimu we ndeer no we ndefeerna Yaawuur ngenna Ancook fa Siri fa Silisi.

A pi ake 13:1

A jeg’a no mbokatax ne no gimu we Ancook duleer Roog fo jaajangin. Den ndeeƭu Barnabaas fa Simewon fee lastitoogeena Ɓaal fa Lukiyus fee genna Kireen fa Sool fa Manahen. Manahen feene koy, deƥandoong’u fo o maad Herood.

A pi ake 23:34

Gofornoor faa a janga o leetar olaa, too a laamta a Pool ee: «No jegel olum fogo?» Kaa koy, ye ta andna yee no jegel olaa Silisi a rime,

A pi ake 22:3

«O Yaawuur refum, rimel na teeru faa Tars no jegel olaa Silisi. Kaa koy, na teeru feeke yarooxum. Gamaliyel o mat jangnaxam, no ten andtum tigi kebil ke no daan in. Sawaraam no reef a Roog ne nu sawaritna teen nuun fop xaye.

A pi ake 21:39

Pool a doonaan ee: «Mi, o Yaawuur refum, rimel na teeru faa Tars, refna o yaal gon no jegel olaa Silisi. Ci’aam um lay fo mbokatax ne kañ!»

A pi ake 21:3

Ye i ƈookna fimb laa Sipere, i ndeefa farna fo ɓemb-roog o ñamaak, suur boo no saax laa Siri. Yaa i mbadna, i ndangna na teeru faa Tiir, yaam maaga a kaal ale a war’u o fudin ke ta suf’ina.

A pi ake 18:18

Pool a yoqa miñu Korint. Cinj kaaga, a asoora fo fog gimu waa, a rok na kaal ndax ta ret Siri, a yoon fa Pirisil fa Akilaas. Ye ta helkaa fo rok na kaal alaa, a ruusoorta na saate faa Kenkere, yaam kaa regoor’u fa Roog.

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.