Galati 1:16 - NQAARIIT NE ROOG

¹⁶ a feeñlaxam o Ƥeem, ndax um yegnitin kam we ndefeerna Yaawuur. Ndak fo ndak, waaƭ’atiim o kiin oxaa asaxama.

Galati 1:16 Referans Kwoze

Mace 16:17

Yeesu a layaan ee: «Ɗaayaa, Simoŋ, o ƥiy Yoona, yaam refee yee cer ke mbaat fo’oy le mbeeñlong o ten, ndaa Faap es fee refna na asamaan.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

Efees 3:1

Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

O leetar ole Pool a bindna GIMU WE NGENNA ROM 11:13

Mexey layan a nuun, nuun we ndefeerna Yaawuur ee: Roog kaa fi’aam o apootar, a doonaam a ndeer no we ndefeerna Yaawuur. Ten taxu um felakinooxaa no calel es,

A pi ake 22:21

Maaga, o Yaal oxe a layaxam ee: ‹Reti rek, yaam xam lulong maa goƭna, farna fo qeet ke ndefeerna Yaawuur.› »

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

Mace 26:41

Yetooxyo too nqeɗ ndax nu yenkee no mbog. Yiif le a jagandooxa, ndaa cer ke kaa ngees.»

A cangatin ale 33:9

Wo moƴanu a den a faap den fa ya den, fog den fo xa ƥiy den. A nana kebil of, a ngay ngiɓoor of fa den.

Hebre 2:14

Yaaga koy, ne xa teɓandoong axeene a ndefna cer fo fo’oy, Yeesu fa xoox um a refaan nen a den, a fog fa den o mem no kiin. A fi’aan, ndax na pexey fa nqon um ta saŋik o ƈiƴ oxe jegna doole fa nqon.

2 Timote 1:11

Yegil mbaax neene koy taxu um dodel o baawaare fo apootar fo o caajangin.

1 Timote 2:7

Ten taxu itam, um doonel o baawaare fo apootar – ndigil kak um layaa, too maaɓiim no dara – kaam doxnel o jangnaa we ndefeerna Yaawuur, ke refna o ngim fo ndigil.

1 Tesalonik 2:16

Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.

Galati 2:1

Cinj xa kiid xarɓaxay fo xa kiid xa nahaq, dakooxaam o nomtoox Yeerusaleem, yoon fa Barnabaas fa Tiit,

2 Korint 5:16

Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.

1 Korint 15:50

Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.

A pi ake 5:42

Ñaal nuu refna, kaa maad’u o mbokatooraa kam Mbind Roog naa fo kam pind ke, a njangnaa, a yegnitaa Yegil mbaax ne yee Yeesu refu o Muumucil oxe regteena.

A pi ake 9:20

Ndak fo ndak, a waare’ooga kam pind a qeƭ kaa yee Yeesu refu o Ƥeenqe Roog.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.