Galati 1:10 - NQAARIIT NE ROOG

¹⁰ Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

Galati 1:10 Referans Kwoze

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

A pi ake 5:29

Piyeer fo apootar waa a ndoona a den ee: «Ndax Roog i mbaru o nanan ndi wiin we?

Efees 6:6

Keene koy, baa ref soom na kid den nen waa na mbaaƭaa kaa felna wiin we, ndaa nen faɗ Kiristaa waa na mbi’aa o bug ole Roog fo xeeñ letu.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

Mace 22:16

A lula maa ten daalbe we den fo waa mbogna na qaaj ale Herood ee: «O Caajangin oxe, i anda yee o kiin o booru refo, too kaa o jangnaa a ƭat Roog no ndigil. A ƭat of yongee no leng itam, yaam naagiro o ɗeetaa ne wiin we a nandna.

Kolos 3:22

Nuun faɗ we, nananyo yaal pind nuun no kuu refna na adna fee. Keene koy, baa ref soom na kid den nen waa na mbaaƭaa kaa felna wiin we. Fat nu mbi’an fo xeeñ galagee dara lakas, a refangee o saɗar o Yaal oxe.

O leetar ole Pool a bindna GIMU WE NGENNA ROM 2:29

O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.

1Saŋ 3:9

Oxuu Roog a rimna, naagee o genaa na bakaad, yaam ke Roog a duufna no ten kaa sax no ten, too oxeene kiin waagee o sax na bakaad, yaam Roog rimun.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

O leetar ole Pool a bindna GIMU WE NGENNA ROM 2:8

Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

Mace 28:14

Gofornoor fee a yegangaan, xan i neexlin, yaaga koy ba nu njaaxiɗ.»

1 Sami’el 21:7

Maaga, o saasadax oxe a ci’aan na xa kaf puuru xaa ƥoxoteena o Yaal oxe, yaam jeg’ee lakas. Xa kaf axeene kaa nqotit’el mbaambir no Yaal oxe soo a softel xa kaf xa sumu.

A pi ake 12:20

Herood a reeƭa no mbuuxoor ƭomu fo wiin waa Tiir fa Sidoŋ. Wiin weene a njofoora, ndax da ngar me ten. Yaa da ngaraa, a eeta o ngukir fa Balastus, reeƭna o aa-adax no mbind no maad naa. Cinj kaaga, a nqeɗa a Herood, ndax ta ci a den jam, yaam no saax le no maad oxeene saax den a ndaawtoogu ñaamel den.

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.