Galati 1:1 - NQAARIIT NE ROOG

¹ Mi Pool, apootar refum, too keene hatee no wiin we mbaat o kiin a doonaam o ten, ndaa um reftin na pexey Yeesu Kiristaa fa Roog Faap fee xontooxnooruuna a ndeer no xon we.

Galati 1:1 Referans Kwoze

1 Korint 1:1

Mi Pool fee Roog a xoyna no bug um ndax um ref apootar Kiristaa Yeesu, mi fa Sosteen fee o pog nuun na mbindaa a nuun o leetar oleeke.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Tiit 1:3

Ye hap fee a fadna, Roog o Muumucil in a feeñla fa lay um no Yegil mbaax ne ta doxnaxama soo a heblaam ndax um waare’in.

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

2 Timote 1:1

Mi Pool, kaam ref apootar Kiristaa Yeesu, ne Roog a bugtuuna, ndax um yegnit o ñoow ole regteena, too ta ref na Kiristaa Yeesu.

O leetar ole Pool a bindna GIMU WE NGENNA ROM 10:9

Boo weejloona fo o don of mbaambir no fop ee Yeesu refu o Yaal oxe, gim no xeeñ of itam ee Roog a xontoornooraan a ndeer no xon we, yaaga xan o muc.

A pi ake 22:10

Maaga, laamtaam ee: ‹O Yaal oxe, xar helum o fi koy?› O Yaal oxe a layaxam ee: ‹Inooxi, fadatinook Damaas, too xan o layel ke waroona o fi.›

A pi ake 9:6

Inooxi rok kam teeru fee! Xan o layel ke waroona o fi.»

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

Galati 1:17

Xotiim farna fo we eet’axama o ndef apootar, too a ndeeƭu Yeerusaleem, ndaa dalfooxaam o xot farna fa Arabi, soo sogkaa o nomtooxiid Damaas.

O leetar ole Pool a bindna GIMU WE NGENNA ROM 14:9

Yaam Kiristaa a xona, a xontoox, ndax ta refan we na ñoowaa fo we nqonna o Yaal den.

YEGIL MBAAX NE YEESU ne Saŋ a bindtuuna 20:21

Yeesu a dakooxa o lay a den ee: «Jam fa nuun! Ne Faap fee a lultaxama, mi itam, mexe lultaa a nuun neen.»

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

YEGIL MBAAX NE YEESU ne Saŋ a bindtuuna 5:19

Yeesu a ɓaata o lay a den ee: «No ndigil, no ndigil, mexe layaa a nuun ee: O Ƥeenqe waagoodee dara. Ke ta fi’aa fop, kaa ga Faap um a fi’an. Kuu Faap fee a fi’aa, o Ƥeenqe kaa fi’an itam.

A pi ake 3:15

Neene, nu mbarnoora o Kelwaar oxe na ci’taa o ñoow, ndaa Roog a xontooxnooraan a ndeer no xon we. Ten o mat i seede’anaa.

Galati 1:15

Ye ta felna oxe kes’axama yaaga rimafulaandeem, too a xoytaam yirmande um,

Yosuwe 22:15

A ngara no saax laa Galaad maa na carind ake ndefna no batand naa soo a lay a den ee: