Filip 4:9 - NQAARIIT NE ROOG

⁹ Ke nu njangna, ndaawin, nantin na mi, nga’in na mi, ngayeenoo. Yaaga xan Roog fee na ci’taa jam a ref fa nuun.

Filip 4:9 Referans Kwoze

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

Filip 3:17

Fog es, nuun fop, laalakinooxaamoo, ndoon a kid nuun no we na ndeefaa xa caf in.

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

YEGIL MBAAX NE YEESU ne Saŋ a bindtuuna 13:17

Nu andangaa keene, soo mbi’an koy, nu ƭaaya!

Filip 4:7

Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

YEGIL MBAAX NE YEESU ne Lik a bindtuuna 6:46

«Xar taxu nu nqoyaxam ee o Yaal oxe, o Yaal oxe, too nu naangee o mbi’aa ke simtuuma?

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 7:21

«No we na layaxam ee ‹O Yaal oxe! O Yaal oxe!› a jega waa ndokkeerna kam Maat ne na asamaan. Oxe na fi’aa ke Faap es fee na asamaan a bugna soom na rokkaa teen.

2 Tesalonik 3:4

In o mat, i njega na nuun a koolax no Yaal oxe yee kaa nu mbi’aa ke i ngebilna a nuun, too xan nu suur teen.

1 Tesalonik 1:6

Nu ndefata we na laalaa a in tigi, soo laalaa o Yaal oxe. Ke fa lay um a ɓisiidna ɓisiid coono fop oo, yaqanee nu njaɓaan fo o ɗaay ole Yiif Tedu le a ci’taa.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

O leetar ole Pool a bindna GIMU WE NGENNA ROM 15:33

Yaasam Roog fee na ci’taa jam a ref fa nuun, nuun fop. Amiini.

YEGIL MBAAX NE YEESU ne Saŋ a bindtuuna 2:5

Ya um oo a laya dag waa yee: «Kuu ta layna a nuun, fat nu mbi’in!»

YEGIL MBAAX NE YEESU ne Lik a bindtuuna 8:21

Kaa koy, Yeesu a doonaan ee: «Ya es fo xa teɓ es ndefu we na nan-gilooxaa fa lay fee Roog, too a ndeefan.»

1 Tesalonik 2:14

Fog es, kaa nu nand ndiiki fo pokatax ke no we ngimna no Yaal oxe Kiristaa Yeesu ndefna kam Yudee. Gentand nuun ŋaƈit a toroxanda a nuun, ne Yaawuur we a toroxandit’ina pokatax keene.

1 Korint 10:31

Ta ref na ñaam mbaat na yer mbaat no lakas, mbi’yo fop na tedaanga Roog.

A cangatin ale 5:1

Moyiis a xoyna Ii-isra’el we fop, a lay a den ee: «Nuun Ii-isra’el we, nan-gilooxyo bargal ke fo kebil ke um daawnaa a nuun xaye. Aqatooxyo a den, ngay a den, ndax nu ndeef a den.

A pi ake 9:6

Inooxi rok kam teeru fee! Xan o layel ke waroona o fi.»

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

2 Timote 4:22

Yaasam o Yaal oxe a ref fo yiif of! Yaasam yirmande um a ref fa nuun!

1 Korint 14:33

Roog samaree, ndaa jam fa ƥor a refu. Ne ta fi’teel kam pokatax ke no gimu we fop,

YEGIL MBAAX NE YEESU ne Saŋ a bindtuuna 15:14

Qaariit es nu ndefu, yaa nu ndeefaa ke hebluuma a nuun.

1Saŋ 3:22

Kuu i nqeɗaa, no ten i ndaawtan, yaam kaa i ngay kebil ke ten, mbi’aa ke feluuna.

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

Esayi 8:10

Nu mbaaga o yuuɓ kuu nu mbugna, ndaa kasaara doŋ a refkaa. Nu mbaaga o ngukir kuu refeerna, ndaa yaq a ƥay o don a refkaa, yaam Roog oxey fa in.

1 Korint 4:16

Me ta refna, keeke rek um xeɗaa a nuun: Ngela laalataamoo!