Filip 4:8 - NQAARIIT NE ROOG

⁸ Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

Filip 4:8 Referans Kwoze

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

2 Korint 8:21

Yaam refee yee mbaambir no Yaal oxe soom i mbaaƭtaa ke faaxna. I mbugaan itam mbaambir no wiin we.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

Hebre 13:18

Ngenyo no nqeɗanaa a in boog! A woora a in ee i njega yiif dalu, yaam i mbuga o mbi ke jofna no kuu ta refna.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

Tiit 1:8

Kaa war o ref oxaa na genaraa we na ngaraa no mbind um, a fex ke faaxna, a fod, a jof na pi um, a ted, a ɓuuɓ.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Tiit 3:14

Wiin in itam a mbara o aqatoox a pi a paax, a njalaa, ndax da ƭaxaa soxla fuu refna. Keene refu a pi a qatkeer.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

Xa peƭit axe 20:7

O kiin oxe a jofangaa too a woor, xa ƥeem axe na nguutankan sax a ƭaaya.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

2 Korint 13:7

Yaaga boog, kaa i nqeɗaa a Roog, ndax nu mbi’kee kaa ɗomna. Refee yee ndax ƭeetlax ne a ref na in o nqaaƈ, ndaa ndax nu mbaag o mbi’aa paax, a soƥangaa sax ee ƭeetlax ne in kaa ref njom na in.

Kolos 4:5

A jega waa andoona yee ngimafulee. Kuu nu ndeerna fa den, fat nu ñaaƴnitin fo yiif, mbañ dara no daaw nuun a ref kasaara.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

2 Sami’el 23:3

Roog fee Isra’el a laya, ɓil le Isra’el a layaxam ee: «Oxe kelfa’na wiin we fo o cofel soo a maadoortaa o saɗar a Roog

O leetar ole Pool a bindna GIMU WE NGENNA ROM 13:3

Oxe na fi’aa paax deyee o saɗar we na maadooxaa. Oxe na fi’aa paaxeer kañ, waru o saɗar a den. O bugangaa ñak o saɗar we na ƭoxaa koy, waraa o fi’aa paax, yaaga xan da kañong.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Filip 3:1

Fog es, mbelakinooxyo no Yaal oxe. Dapatinaa leng kut ke no leetar oleeke xijliraam, too ten na saƭakinaa a nuun.

O leetar ole Pool a bindna GIMU WE NGENNA ROM 2:29

O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.

Esayi 26:7

O ƭat onqe no cofu xe kaa naag pec. Kaa o fodrandaa a qul ale no cofu xe.

Xa peƭit axe 31:31

Saɗgiteenoo o rim ole no calel um, soo a pi ake ten a simatin no qel ke.

1 Timote 2:2

Fat a mbi’anan maad we fo fop we ndefna wiin maak waa mbarna o niwel, ndax i mbaag o ñoowaa o ñoow o lewu na jam fa jam, ndeefaa a Roog, too ñak ƥanjel.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

A cangatin ale 16:20

O cofel rek nu mbaru o ndeef, ndax nu ñoowaa soo njang saax le o Yaal oxe Roog nuun a ci’na a nuun.»

Efees 6:14

Mbogooxyo boog! Fat ndigil ne Roog a ref o kumnoor ndet nuun, o cofel um a ref ndoki njelem no kang nuun.

1 Tesalonik 4:12

ndax nu ndef wiin waa a pesoorooƭ den a jofna mbaambir no gimeer we. Neene, nu ngaɗkee a qoox nuun no leng.

Efees 4:25

Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.

2 Korint 6:8

Kaa i kañeel, soo ndoxondeel gaci. Wiin we kaa layanaa a in paax fo paaxeer, a ƭeetaa a in nen maamaaɓ, too yaaga fop oo, ndigil soom i layaa.

A pi ake 10:22

A ndoonaan ee: «Korney, o aa-adax no xiixire teemeed luliidu a in. O kiin o paax oo, a saɗar a Roog. Xeet faa no Yaawuur waa fop kaa seede’aa no ten paax. Malaaka Roog yegnun ee ta xoyniidong ndax o gar no mbind um boo ta waag o nan-giloox ke o laykan.»

YEGIL MBAAX NE YEESU ne Saŋ a bindtuuna 7:18

Oxe na kañaa a xoox um, gon um a bugu o jootand, ndaa oxe na waaƭaa gon no xe luluuna a joot, oxaaga ndigil kak a layaa, too njofaƭar leng refee no ten.

YEGIL MBAAX NE YEESU ne Lik a bindtuuna 2:25

A jeg’a Yeerusaleem o koor o ne’e Simewon. O kiin oxaaga a jof’a, too a saɗar’a a Roog. A cungooga Isra’el a yaalel. Yiif Tedu le a reeƭa fo ten,

Mark 6:20

yaam Herood kaa saɗar’u a Saŋ. A and’a xil ee Saŋ o koor o cofu a reeƭu, a ted, ten taxu ta saytooxoogun. Boo ta nan-gilooxooguuna, a jaaxɗooga, ndaa kaa nan-gilooxoogun fo o ɗaay.

Xa peƭit axe 11:1

O Yaal oxe kaa sib balaas fa mbaaxeer, a poox a bodu ke mat a mbelin.

Ruut 3:11

Ndiiki koy, o ƥees, ba o saɗar, xam fi’anong fop ke o laykaa, yaam o mat no nqel naa Roog sax oxuu refna a anda yee gor refo.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

A pi ake 22:12

Maaga, o koor oxaa ne’’eena Anañaas a gara me mi. O kiin o kimu na Roog a reeƭu, too a damoox no kebil ke Moyiis. Yaawuur waa ngen’ina Damaas fop a seede’a no ten o cofel.

A kim ale na kim ake 5:16

O don um kaa ɓuuɓ yem, too ngiin um fop kaa yaawnoox. Nuun roog we Yeerusaleem, neene oxe buguuma bug a nandu. Kaam ee neene o fes es a nandu.

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

1 Timote 5:2

rew maak we nen yaay, we maakeerna teen, o ɗeet a den nen jigeen fo yiif xoolu.

YEGIL MBAAX NE YEESU ne Lik a bindtuuna 23:50

A jeg’a oxaa fog’ina no Mal maak ne, a ne’el Yoseef, a gen na teeru faa Arimate kam Yudee. O koor o paax a reeƭu, too a jof. A cungooga Maat ne Roog. Jaɓ’ee ke wiin lakas we no Mal maak ne a mbexey’ina fo ke da mbi’’ina.

Xa peƭit axe 31:29

«Rew jaaku a njambaara, ndaa wo gartu a den fop took!»

Xa peƭit axe 16:11

Balaas fa mbaax fa bastul fa mbodu o Yaal oxe a bugu, fo mboox ne ƥekeena kam nafa, a anda a den fop.

Xa peƭit axe 12:4

O tew o paax kaa ref o ndip no kor um, oxe na gaci’nooran o mat a ref nen jir laa na ŋeesaa cer um.

1 Timote 3:4

A wara waag o ɗoxaa ƥasil um a paax, xa ƥeem, ta yar a den boo da nananan no kuu refna, too a niwin.

A pi ake 6:3

Ten taxu fog we, njilyo a ndeer nuun goor ɓetuu ɗik waa andteena paax, too a may fo Yiif Tedu le fo o and, i ndoxin a den calel keene.

Mace 22:16

A lula maa ten daalbe we den fo waa mbogna na qaaj ale Herood ee: «O Caajangin oxe, i anda yee o kiin o booru refo, too kaa o jangnaa a ƭat Roog no ndigil. A ƭat of yongee no leng itam, yaam naagiro o ɗeetaa ne wiin we a nandna.

Xa peƭit axe 31:10

Oxe jegna o tew o paax a ɗaaya, oxeene tew moƴu o jar xa peme.

Hebre 11:2

Roog a jaɓ’a daan waa yaam o ngim den.

1 Timote 3:11

Neene a waru o refit itam no rew diidimle we. Mbaree o ƥanjaa lakas we. Fat a ngore, a ƥuuɓ, a mbaagel o ngooloox no kuu ta refna ref.

2 Korint 8:18

In we yoonandtan o pog o cegu o niwel kam pokatax ke no gimu we yaam Yegil mbaax ne ta waare’aa.

2 Sami’el 1:23

Sawul fa Yoonatan kaa mbug’el too a mbex’el. Mbaag’aand o sambrand no ñoow den fo na fa nqon den. Den moƴ’u o ñof a canjiik, a moƴ o njambaar njogoy.

2 Piyeer 3:1

Nuun we fexuuma, keeke refu o leetar o ɗikandeer ole um bindaa a nuun. Kam xa leetar xa ƭaq axeene kaam wetandaa a nuun keene nu andna boo ƈut, ndax um yok na nuun a qalaat a paax,

A kim a tedu ke 82:2

«Kaa nu mbugko ngate’taa fare-fare boo a mban, mbartaa we ndameerna na ƭat? A maaf

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.