Biblia Todo Logo
Bib sou entènèt

- Piblisite -




Filip 4:7 - NQAARIIT NE ROOG

7 Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.

Gade chapit la Kopi




Filip 4:7
43 Referans Kwoze  

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.


Oxe gid a ƭakeerna kaa o woornan jam fee. Ii, kaa o woornan jam fee, yaam kaa hoolooxong.


Yaasam o Yaal oxe saqna jam, a ci’oodaa a nuun jam kili fo no nuu ta waagna waag o refit. Kaam ee yaasam o Yaal oxe a ref fa nuun.


Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.


O Yaal oxe xan a ci xeet um doole, a barke’it a den jam.


Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,


Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.


Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»


Topatooxaa ke cer ke a mbugna koy, na fa nqon a ɓisaa, ndaa topatooxaa ke Yiif le Roog a bugna no ñoow fo na jam a ɓisaa.


Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.


Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.


Ey, o nan-gilooxangaa a paax ke hebloonga, yaaga jam of a ref nen o xuluɓ, o cofel of a ref nen a yag-ee-yag ake no maag ole,


Ndiiki koy, wo Yob, jofooratini fa Roog, jamsa’oor fo ten, too yaaga xan o jeg ne bugoona.


Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.


«Soxodu we o mat, njegee jam.» Keene o Yaal oxe a layu.


Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,


ndax ta xooland we moofna no niɓaan ole fo we ndefna na pelyook fa nqon. Neene koy xan a ɗox a in, i ndeef a ƭat jam.»


Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.


Yaasam o Yaal oxe a ɗeet a nuun too a ci a nuun jam.›


«Tedaanga a hela Roog took asamaan fa jam na adna, took no wiin we ta fexna.»


O Yaal oxe, lali a in o mbeq of, mucil a in.


Ke nu njangna, ndaawin, nantin na mi, nga’in na mi, ngayeenoo. Yaaga xan Roog fee na ci’taa jam a ref fa nuun.


Xan a ƭoxang na ñaaƈ of, a saytooxang, yaa o ɗaanaa, a lay fa wo, yaa yokooxoona.


O Yaal oxe, kaa o woornaa a in jam fee, yaam fop ke i mbadnaa, wo na fi’an.


Ba o deɓin, too xan a yetooxong. Fexeen, too xan a saytooxong.


Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.


Xan a kortax ale a gayang, o ƴiƴ ole a yetooxang.


Esdaraas a ɓaata teen ee: «Nqaadyo, ñaamik ñaamel pelu, yer a yer a pelu too naqan we njegeerna dara kaa da njawna, yaam bes fene kaa kesanel o Yaal in. Ba nu ngooy, ndaa mbelakinooxyo, yaam o Yaal oxe refu doole in.»


Ga’angi, xam dakin a Yeerusaleem no wod-fo-ɓaal um, ci’in cer ƥutu um, kaam ee xam wodand we ngenna teen ceŋ. Xam feeñil a den jam fo o woor boo ta dey sik.


Mi na fi’aa a qoolaand soo sak o niɓaan. Mi na ɓisiidaa baneex soo oraa naqad. Mi o Yaal oxe, mi na fi’aa keene fop.


Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.


A damangaa njaambuur um, an saɗun o xasan? A ɗasnangaa mukit um, an na waagkan o ga? Kaa gayaa qeet ke fo wiin we,


Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »


Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.


Yaasam Roog Faap in fo o Yaal oxe Yeesu Kiristaa a ci a nuun yirmande fa jam.


«A cinj ye ɓoxotuuma a Baruk fee o ƥiy Neriya a kayit a cikir ale, xeɗaam o Yaal oxe yee:


nduguñaa a magnandax aluu na yaqanaa o and a Roog, soo tañ-tañnaa a qalaat akuu ndefna ndax da nanan a Kiristaa.


Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.


Roog es koy, xan a ɗaxit coxla nuun fop halal um fo o ndam um na Kiristaa Yeesu.


Simnanaamoo we mbogna na xeet fee Roog fop na Kiristaa Yeesu. Fog we ndefna meeke fa mi itam owe simnaa a nuun.


Swiv nou:

Piblisite


Piblisite