Filip 4:6 - NQAARIIT NE ROOG

⁶ Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

Filip 4:6 Referans Kwoze

1 Piyeer 5:7

Ndiiseenoo kuu waagna o jaaxɗandaa a nuun, yaam ten na teeteelaa a nuun.

A kim a tedu ke 55:22

Fa lay um moƴu fel fo neew, ndaa xeeñ um xire a fofu, a ƭelem um a moƴ o niin diwliin, ndaa yaaga fop oo laƥ mboose no xool a ndefu.

Mace 6:8

Ba nu nand fa den, yaam Roog Faap nuun a anda ke nu soxla’na boo nu ngelko fo nqeɗan o ten.

Yeremi 33:3

Ƴufginooxaam, too xam jaaɓong, yegnong tig maak fo kaa ɗasna, andeeroona.

Xa peƭit axe 16:3

Gaɗi fop of no Yaal oxe, too xan o jeg ne bugoona.

A kim a tedu ke 62:8

A muc es fo o ndam es na Roog a ngataa. Ten refu ɓil jegu doole es fo njaɓnooxand es.

Kolos 4:2

Nuun fop, fat nu njof mbaambir na qeƭ, yokoox teen, ndef no ngidim.

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

Kolos 3:17

Kuu nu mbi’aa itam mbaat nu layan, fat a ref no gon no Yaal oxe Yeesu, soo ngidmaa a Roog Faap fee no gon um.

YEGIL MBAAX NE YEESU ne Lik a bindtuuna 18:1

Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

YEGIL MBAAX NE YEESU ne Lik a bindtuuna 12:22

Cinj kaaga, Yeesu a laya daalbe we ten ee: «Ten taxu mexe layaa a nuun ee: Ba o ñoow mbaat ñaamel mbaat ñirax a njaaxɗand a nuun.

A kim a tedu ke 51:15

Maaga, xam aqatin a ƭat of baabakaad we mbesoonga a cinj, too xan a nomtooxiid me wo.

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

1 Sami’el 30:6

Dawid a jaq’a lool, yaam yoon we ten kaa mbaajoogun o mbarit a kac. Oxuu refna na den, kam um kaa feƭar’u lool, yaam a xalaataa xa ƥeem. Kaa koy, Dawid a saƭakinooxa no Yaal oxe Roog um,

Efees 5:20

Na waxtu fuu refna fo no kuu refna, ngidimyo a Roog Faap fee no gon no Yaal in Yeesu Kiristaa.

A kim a tedu ke 55:17

Mi o mat, o Yaal oxe Roog um ƴufginooxaa, too xan a muclaam.

YEGIL MBAAX NE YEESU ne Lik a bindtuuna 10:41

Yeesu a doonaan ee: «Wo kañ Marta, kaa o roxondoox mayu, too may kaŋ-kaŋ,

YEGIL MBAAX NE YEESU ne Lik a bindtuuna 18:7

Ndax kaa Roog dimle’kee xeet um, na nqeɗan ñaal fo o yeng? Ndi kaa yapatilkaa a den?

Mace 10:19

Kaa koy, boo nu ƥiseena no maad, ba nu nqalam ne nu layitkaa. Xan nu cooxel ke nu mbarna o lay na waxtu faaga sax sax.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

YEGIL MBAAX NE YEESU ne Lik a bindtuuna 12:29

Ba nu ndef no mbaaƭaa boog kaa nu ñaamna mbaat kaa nu yerna mbaat kaa nu ñirooxna.

1 Sami’el 1:15

Xaan a doonaan ee: «Ha’aa, o yaal es, wayiim de, kaam torox. Ga’iim sax maa sangara a farna, ndaa kaam diisoogu o Yaal oxe ke refna kam xeeñ es.

2 Korint 1:11

Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

1 Korint 7:32

Bugiim nu ngen no jaaxiɗ. Oxe dolniraandeena paru no Yaal oxe a misiiraa fo ne ta waagna o fi boo o Yaal oxe jaɓin.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

Dañel 3:16

Sadrak fa Mesak fa Abed-Nego a ndoona o maad Nebukadnesaar ee: «I soxla’irang o ndoon no keene.

2 Caloori ke 32:20

O maad Hiskiya fo o tuleer Esayi fee o ƥiy Amoc a nqeɗa a Roog, a ƈufginooxin a maak.

1 Sami’el 7:12

Sami’el a janga ɓil, a sipin ndeer Mispa fa Seen, a ne’in Eben-Eseer ee: «Boo fa ndiik o Yaal oxe kaa ƴufgaa a in.»

A kim ale na kim ake 2:14

A nuukuur es ale kam luf ne na ƥil ake, ɗasna me lunqooxna, lalaam mukit of, nannooraam o ñuxur of, yaam o ñuxur of kaa fel, soo mukit of a yaawnoox.

1 Korint 7:21

A jegangaa oxaa reeƭna o paɗ, fat a dam teen, too baa tax ta jegaa a yiif-a-ƭak. Kaa koy, a soƥangaa yee waagaa o jeg xoox of, koo ndok.

1 Maad we 8:28

Yaqanee koy, o Yaal oxe Roog es, rungi nof of na qeƭ no tag of fo a ƈufginax um, ndax o nan-giloox a loolax fo a qeƭ no tag of xaye.

Yeremi 32:16

«A cinj ye ɓoxotuuma a Baruk fee o ƥiy Neriya a kayit a cikir ale, xeɗaam o Yaal oxe yee:

Dañel 6:10

Kaaga a taxa boo o maad Daryus a dalin kebil neene soo a ñaasin.

Mace 6:34

Ba o feet a jaaxɗand a nuun, yaam xan o feet a topatoox a xoox um. Ñaal nuu refna coono um a ndeyaan.»

1 Timote 2:1

Mexe eet o heblaa fop boog, da nqeɗaa, a nqeɗooxaa, a nqeɗanaa lakas we itam, a ngidmaa a Roog yaam wiin we fop.

1 Timote 5:5

Oxe andoona koy ee o ñaaw oxaa yoqna koƭong, too jegee oxaa geenooxuuna yoo, a wara o doon yaakaar um na Roog, a gen ñaal fo o yeng na qeƭ, a xeɗooxaa itam.