Filip 4:5 - NQAARIIT NE ROOG

⁵ Fat wiin we fop a and o lewet nuun. O Yaal oxe a matiida!

Filip 4:5 Referans Kwoze

Mace 6:25

«Ten taxu mexe layaa a nuun ee: Ba o ñoow mbaat ñaamel [mbaat a yer] mbaat ñirax a njaaxɗand a nuun. Mee ndax o ñoow ole moƴu a ñaam ale, soo cer ke a moƴ ñirax ke?

Tiit 3:2

Baa da mben o leng. Fat a ndef wiin jam, a mbod, a ƥuuɓ no fop.

Hebre 10:37

yaam a Pind a Tedu ke a laya yee: «Ndeer mene fo a pe a miñeer, oxe warna o gar xan a gar, too gulooxkee muk.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

1 Korint 6:7

Qasir ke a ndeer nuun sax eetu o ndef sik nuun. Wondoox fo ke tooñee’oona mbaat o jaɓ o jeg of a guuɗel moƴu o xetik fo pog of o kimu no nqeloor.

Hebre 10:25

Ba i ñak o mbokatooraa fo we ngimna, ne leng-leng a meruuna o mbi’taa. Kaa i mbar o saƭakinraa a ndeer in kañ, moƴin o mbi’aa, yaam ne nu nga’oodna bes fee no Yaal oxe ta matiidaa.

Mbeeñil 22:7

Maaga, Yeesu a laya yee: «Nan-gilooxi! Mexe garaa no miñeer! We na ngayaa fa lay fee no nduleer ne Roog bindeena no safe lene, a ƭaaya.»

1 Korint 8:13

Keene o mat taxu boo andoona yee kaa ñaamel ke reeruuma a nar o ndef a panq na caf no kimu lakas, ñaamkiim no roon olaaga muk, yaam ndik ta fes o ngim onqe a cinj.

Mace 6:34

Ba o feet a jaaxɗand a nuun, yaam xan o feet a topatoox a xoox um. Ñaal nuu refna coono um a ndeyaan.»

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

1 Korint 9:25

Oxe bugna o ref mbir tigi a naaga o fesaa mayu a cinj, too keene fop kaa waagna o sooƴ soom a nqirooxanaa. In koy, fat i moƴ o ngumnoox yaam a laay a sooƴkeer muk refu mbaambir in.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

1 Korint 16:22

Oxuu fexeerna o Yaal oxe, yaasam ta halakel. Maranaa ta! (O Yaal in, koo gari!)

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.