Filip 4:19 - NQAARIIT NE ROOG

¹⁹ Roog es koy, xan a ɗaxit coxla nuun fop halal um fo o ndam um na Kiristaa Yeesu.

Filip 4:19 Referans Kwoze

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Mise 7:7

Mi o mat, no Yaal oxe ɗagum yaakaar es, cungaa a Roog fee na muclaxam. Roog es xan a jaaɓaam.

Malaki 3:10

Naangyo ƥisiidaa a seek xarɓaxayandeer a teyu sik no Mbind es, ndax ñaamel a jegaa teen kili. Ƭeetloorangaamoo neene, mi o Yaal oxe Hupna fop, boo nga, ndax suqtankiim a nuun pand ke na asamaan soo mayƭand a nuun fo paax ƥor.

Nehemi 9:15

Fudnantiidaa a den mbuuru na asamaan, ye da nqeexeena, balnanit a den foofi no ɓil le, ye da ngoɗomeena. Heblaa a den da njaɓik saax le daaɓoox’oona o coox a den.

2 Sami’el 22:7

Kam naqad es ƴufginoox’aam o Yaal oxe, xeɗ a Roog es. A nanta o ñuxur es no mbind um, too o wuuq es a nannooxa no nof um.

A kim a tedu ke 36:8

Wo Roog, o mbeq of jegee sik, pindel ke fop kaa mbaaƭaa ndaɗand yoora a nafir of.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

O leetar ole Pool a bindna GIMU WE NGENNA ROM 8:18

A wooraxam ee coono ke in ndiiki mbaagkee o liiƥoor muk fo o ndam onqe Roog a feeñilkaa a in.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

A kim a tedu ke 130:7

Isra’el, ɗagi yaakaar of no Yaal oxe, yaam me ten o mbeq a refu, too a bat ale oxey fo ten bo ta dey sik.

A kim a tedu ke 104:24

O Yaal oxe, jale of jegee hap. Kaa o fi’it a den o and, den fop. Lanq ke kaa may muut fo sake le wo.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

2 Caloori ke 18:13

Mikaya a doonaan ee: «Ne ta wooritna yee o Yaal oxe xe ñoowaa, neene a woortu yee ke Roog es a layaxama doŋ um yeginkan.»

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Dañel 6:22

Dañel a doona o maad oxe yee: «Daali maad, yaasam o xuuɗ!

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

O leetar ole Pool a bindna GIMU WE NGENNA ROM 1:8

Eetu, na pexey Yeesu Kiristaa, kaam gidmaa a Roog es yaam nuun fop, no ngim nuun onqe na layteel kam adna fee fop.

YEGIL MBAAX NE YEESU ne Saŋ a bindtuuna 20:27

Cinj kaaga, a laya a Tomaa yee: «Ɓeki meeke nqol of, ɗeet xa ƥay es. Dooni o ɓay of no saax es, fañat o gimaƭar, ndaa gimi.»

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

Filemon 1:4

Kaam gen no gidmaa a Roog kili, too wetandooxang a mbanuu um xeɗaa.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

Nehemi 5:19

«Roog es, wetandooxaam fo o paaxel yaam fop ke fi’anuuma xeet fene.»

Mace 6:32

Keene fop koy, yeefar ke na mbaaƭan. Faap nuun fee na asamaan a anda yee nu soxla’aan.

Filip 4:7

Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.

2 Caloori ke 31:8

Hiskiya fo kelfa ke a ngara a ƭeetiid a cuum ake soo a simat o Yaal oxe fa Isra’el fee xeet um.