Filip 4:18 - NQAARIIT NE ROOG

¹⁸ Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

Filip 4:18 Referans Kwoze

Hebre 13:16

Ba nu mbeecit muk o mbi’aa ke faaxna, ndimle’raa a ndeer nuun. Sadax nandu neene ndefu ke mbelna a Roog.

Filip 4:12

Waagaam o ñoow no ñak, waagaam o ñoow no jeg tigi. Muu refna fo no kuu refna, jangaam o ñaam boo giñ, jang o xeexel, ta ref no jeg tigi mbaat no ñak.

2 Korint 9:12

O ndimle nqe no sadax ke nuun refee ƭaxir coxla no gimu we soom, ndaa kaa ref sax a cur a cookir a njal a Roog.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

A sutax ale 29:18

Cinj kaaga, fat o dox njegel ne took o sadaxand ole, ɓoxotaam o ten, ta ref sadax fa ndoxel. Keene xan a ref na mi o Yaal oxe, sadax fa mbelu tuñ bo.

A lim ale 15:3

nu mbugangaam o ƥoxot sadax fa ndoxel mbaat sadax fa njamsa’oor, ta ref yaa nu mbadnaa a tegit mbaat nu sadaxtaa no fud o letu mbaat no qew ke, fat a hat na xa siir axe mbaat na ked ake nuun. Keene xan a ref sadax faa felaxama tuñ bo, mi o Yaal oxe.

A pi ake 10:4

Korney a naaga malaaka faa jak a kid kam a kid, a diid bo. A doonaan ee: «O Yaal oxe, xar oo koy?» Maaga, malaaka fee a layaan ee: «A qeƭ ake wo fo sadax ke wo a mbadiida boo mbaambir Roog, too a wetandooxa a den.

2 Korint 11:8

Andaam ee huytaam pokatax lakas ke ye daawtuuma na den ndabid, ndax um jalan a nuun.