Filip 3:9 - NQAARIIT NE ROOG

⁹ Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

Filip 3:9 Referans Kwoze

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Galati 2:16

Kaa koy, i anda yee o leng ɗeetkaand nen o cofu mbaambir Roog, yaam ne ta fi’aa ke kebil ke a layna, ndaa yaam ne ta gimna na Yeesu Kiristaa. In sax, i ngima na Kiristaa Yeesu, ndax Roog a ɗeet a in nen jofu. Keene koy, refee yee yaam ne i mbi’aa ke kebil ke a layna, ndaa yaam ne i ngimna na Kiristaa, yaam i anda yee o leng ɗeetkaand nen o cofu yaam ne ta fi’aa ke kebil ke a layna.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

Filip 3:6

damoox na den fo o mbeq boo ñagadilaa we ngimna na Yeesu. No cofel ole kebil ke a ndalinna um ñak ƥanjel.

O leetar ole Pool a bindna GIMU WE NGENNA ROM 10:10

Yaam o kiin kaa gimaa no xeeñ um, soo Roog a jofandkan. Kaam ee, o kiin oxe kaa weejlaa o ngim um fo o don um, soo Roog a mucilkan.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

Yeremi 23:6

Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

Mace 9:13

Njangikyo ke fa lay fene a tekitna: ‹Yirmande moƴanaxam sadax.› Xoyiidiim wiin jofu we, ndaa baabakaad we.»

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

A kim a tedu ke 143:2

Ba o layoor fa mi fee o tag of, yaam jegee o leng oxaa jofna mbaambir of.

A kim a tedu ke 19:12

O Yaal oxe, mi fee o tag of kaam xottaa teen a maƭax, too oxuu na gayaa a den, xan a daaw saɗig maak.

A kim a tedu ke 14:3

Fop kaa ƭap a ƭat ale soo a mbokatoor, a laawoox. Jegee oxaa na fi’aa paax, jegee o leng sax.

2 Caloori ke 32:25

Kaa koy, Hiskiya anddilooxee paax ke ta fi’aneena, ndax a magnandooxaa. O Yaal oxe a fuuxanaan, a fuuxan a Yeerusaleem fo maat ne Yudaa.

1 Maad we 8:46

Xeet of a mbakaadangaa na wo, yaam jegee o kiin oxaa bakaadkeerna, boo o fuuxan a den soo ɓoxot a den fañ den, da ƥis a den gilaa saax took o hup doole, ta goƭ mbaat ta mat,

Mberaand 7:23

Roog a moocanda pindel ke ndeeƭna took lanq ke fop. Fop a moocande no lanq ke, Nowe fo we ndeeƭna fo ten na kaal ale soom yoq’u.

1Saŋ 3:4

Oxuu genna na bakaad, a ɗapa kebil ke Roog itam, yaam bakaad refu ɗap kebil ke.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Saak 3:2

A caf a mayu kaa i njuumaa, in fop. O kiin a juumangee na fa lay, o kiin tigi yoo. A waaga o dam cer um fop.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

O leetar ole Pool a bindna GIMU WE NGENNA ROM 16:7

simin a Andoronikos fa Yuñaas we fogtuuma xeet, too a ndeeƭu fa mi kam kaso, a ndef waa apootar we a niwna. Den sax eetaxam o ngim na Kiristaa.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Esayi 46:13

Mexey matandiidaa o cofel es, goƭatee sax. A muc es ñaalkaand a kar. Mexe ɓisiidaa kam Siyoŋ a muc es. Kaam ee mexe ɓisiidaa a Isra’el tig mosu.»

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

2 Caloori ke 32:31

Kaa koy, no kaa farna no we kelfa ke Babilon a luliid’ina me ten ndax da laamit paru no anddiloor ole jeg’ina no saax leene, Roog a xaƴa a Hiskiya ndax ta ɗeetlooxin boo a and fop ke refna no xeeñ um.

A cangatin ale 27:26

‹Oxuu reefeerna kebil keene fop, a fañ o ñoowit ne da njangnituuna, a halakooxa!› Fat xeet fee fop a ndoon ee: ‹Amiini!› »