Filip 3:21 - NQAARIIT NE ROOG

²¹ Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

Filip 3:21 Referans Kwoze

Kolos 3:4

Yaa Kiristaa fee refna o ñoow nuun a feeñkaa, nuun itam, xan nu mbeeñ fo ten no ndam.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

Esayi 26:19

Wo xeet es, xon we wo xan a ñoowatin, xa tal axe den a nqontoox! We ngulooxna lanq ke xan a yokoox soo a mbelakinoox, yaam liim of liim a qoolaand oo, too lanq ke xan a ndakin xon we no ñoow ole.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

Mace 22:29

Yeesu a doona a den ee: «Kaa nu mo, yaam nu andee a Pind a Tedu ke, katil fee Roog ne’aand.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Esayi 25:8

Xan a ñuf fa nqon boo kili. O Yaal oxe na refkaa boo faw xan a forit xa kooniit axe no mukit no fop, too xan a watin gaci fee dalna xeet um took lanq ke fop. Keene o Yaal oxe a regtu.

A kim ale na kim ake 1:11

Xam fi’anong kumooxel wurus kaa mosandteena xaaliis fa nqoolu.