Filip 3:20 - NQAARIIT NE ROOG

²⁰ In we asamaan a refna mbaafaap in koy, in we cungaa o Yaal in Yeesu Kiristaa fee refna o Muumucil in, na inooriidkaa maaga.

Filip 3:20 Referans Kwoze

Efees 2:19

Neene boog, nuun we ndefeerna Yaawuur, nu ndefatee genar mbaat xa kataakoon, ndaa waa mbogna na xeet fee Roog nu ndefatu, too no ƥasil ne ten nu mbogu.

2 Korint 4:18

Ke i ngorooxaa koy refee ke na yulaa a kid in, ndaa ke i mbaageerna o nga, yaam ke yulna a ngid of kaa faafaa. Ke waagaandeena o ga koy, jegee muukandoong.

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

Efees 2:6

Roog a nomtiida a in no ñoow ole kam mbokatoor in fa Kiristaa Yeesu, ndax i maadoox fo ten kam asamaan.

2 Korint 5:8

Kaam ee, kaa i may fo njambaar, too mbugat sax o sutoox cer keene, ngenik paam o Yaal oxe.

2 Timote 4:8

Andaam ee o ndip onqe jofu we a cooxeel, oxe cungaxam. O Yaal oxe refna o Kaahate cofu xe xan a cooxaam o ten na bes faa ta nomtooxiidkaa. Refee koy ee mi soom a cooxkan, ndaa fop we na tayaa a nomtooxiid ale ten.

1 Tesalonik 1:10

cungaa yaa o Ƥeenqe ten a inoortiidkaa na asamaan. O Ƥeem onqeene koy, Roog a xontooxnooraan a ndeer no xon we. Ten refu Yeesu fee na wataa a in na qaw ale Roog na garaa.

Hebre 9:28

Neene itam, Kiristaa a ɓoxote nen sadax jaf leng kut, ndax ta forit pakaad no wiin mayu. Xan a feeñ jaf ɗikandeer, refee koy ee ndax ta forit pakaad, ndaa ndax ta mucil we ndefna no cungan.

Galati 4:26

Yeerusaleem faa took koy, refee o paɗ, too ten refu ya in,

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

1 Korint 1:7

boo ten taxu nu ñakee ci’it leng, yaa nu cungaa o Yaal in Yeesu Kiristaa a feeñ.

A pi ake 1:11

a lay a den ee: «Ndi nuun Gaagalile we, xar taxu nu ngeenoox ƭeetaa na asamaan? Yeesu feene yoɗeena a ndeer nuun, a ret na asamaan, ne nu nga’tuuna ta yoɗel, neene o mat a nomtoortiidkaa.»

Mace 19:21

Yeesu a layaan ee: «O bugangaa o ñak sik, reti jikoox kaa jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

1 Tesalonik 4:16

Xan o Yaal oxe fa xoox um a fangoox. Xan i nan o ñuxur no leng no kelfa ke no malaaka ke, soo a luuƥ ale Roog a jibit na asamaan. A koom, xan o Yaal oxe fa xoox um a fudoortiid na asamaan, soo we nqonna no ngim na Kiristaa a eet o nqontoox.

YEGIL MBAAX NE YEESU ne Lik a bindtuuna 14:14

O naagangaa o fi’taa neene, ɗaayaa. Yaam ne weene a mbaagkeeroonga o ndabid, xan Roog a rabdong, yaa jofu we a nqontooxkaa.»

Mbeeñil 1:7

«Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!

Xa peƭit axe 15:24

O cegu yiif oxe kaa xotaa a ƭat ale no ñoow ole, a sag took, a wootooxaa ale na ɓisaa jaaniif, refna a lanq.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

A kim a tedu ke 16:11

Kaa o lalaxam a ƭat ale no ñoow ole, o ɗaay o deyu sik na xotteel mbaambir of, o sawar o fagkeer a ref na ñamaak of.

YEGIL MBAAX NE YEESU ne Lik a bindtuuna 12:21

Neene deŋ a nandu no xe na fokatanooxanaa a xoox um halal, too jegee a Roog ta ref halal um.»

1 Korint 15:48

Neene laalanq we a nandtu fo o laalanq oxe, aa-asamaan we a nand fo o aa-asamaan oxe itam.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.