Filip 3:15 - NQAARIIT NE ROOG

¹⁵ Yaaga boog, in fop we ñakna sik, fat i mbog xalaat fa leng kut feene. A soƥangaa itam ee kaa nu njeg maa xalaat a guutatiritna fa feene, xan Roog a xoolandanin a nuun.

Filip 3:15 Referans Kwoze

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.

Galati 5:10

A wooraxam ee no Yaal oxe nu njegkee a qalaat a lakas akaa njektirna fo we nu eetna o njeg. Kaa koy, oxe na jom’andaa a nuun, oxuu ta waagna waag o ref, xan Roog a xawin.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

Mace 5:48

Fat nu ñak sik boog ne Faap nuun fee na asamaan a ñakitna sik.»

Esayi 35:8

Xan a jeg maaga a qal a podrande, a ƭat alaa na bugko xoyeel a ƭat a tedu le. Oxaa xoolaƭarna reefkee teen. We ndefanna o Yaal oxe soom na njegkan. Fop we na nqotkan mo’kee, boo no ɗof we sax.

Hebre 5:14

Ñaamel meɗu ke o mat, maak we njegun, ta ref we naaɓna a yiif den, ndax da mbaag o njektirand ke faaxna fo ke faaxeerna.

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

YEGIL MBAAX NE YEESU ne Lik a bindtuuna 11:13

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

1Saŋ 2:5

Kaa koy, oxuu na gayaa fa lay um, o mbeq onqe Roog a fadnooxa no ten. I ngayangaan, maaga i anditkaa yee in wey no ten.

2 Timote 3:17

ndax o kiin Roog oxe a dey, too a jofnoox na pi a paax.

YEGIL MBAAX NE YEESU ne Saŋ a bindtuuna 6:45

A binde no leng na safe ke no duleer we yee: ‹Den fop, xan Roog a jangin a den.› Neene itam, oxuu andoona yee a nana ke Faap fee a layna, too a jaɓ a cangin um, xan a gar me mi.

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.