Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.
Katil ne Roog a jegoodna a cooxa a in ke i soxla’na fop, ndax i ñoowaa no damoox no ten, ye ta andnoorna a in oxe xoyna a in na pexey o ndam xoox um fo no paaxel um.
Yaaga boog, fat i nqaƴ a cangin a koƭeer ale jaginna na fa lay fee Kiristaa. Kaam ee fat i suur na cangin ale maak we a ndaawaa, mbañ o ndalnahin a cangin ale na layaa kaa farna no fes a cinj a pi a qonu ke, soo ngimat na Roog.
Kebil ke Moyiis fo duleer we a maad’a boo na Saŋ o Paabatiise xe. Cinj kaaga, Yegil mbaax ne no Maat ne Roog kaa waare’eel, too o kiin oo kiin kaa jeemaa fa doole um, ndax ta rok teen.
Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,
Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.