Filip 3:12 - NQAARIIT NE ROOG

¹² Refee koy ee kaam daaw a laay ale boo ƴut mbaat um fad no ñak-sik, pokin ne Kiristaa a pokit’axama.

Filip 3:12 Referans Kwoze

A kim a tedu ke 138:8

O Yaal oxe xan a fadnanaam ke ta geekanaxama. O Yaal oxe, wo fee o mbeq of a maadaa boo faw, ba o xuuf calel ke xa ƥay of a sumbna.

Hoose 6:3

Fat i mbaaƭ maa i anditna o Yaal oxe, a kar um kaa woorit nen mbeet. Xan a gar na in nen mbuyaam, nen a teƥ ndiig ale na xuƥandaa lanq ke bo dee sap.»

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

Esayi 51:1

O Yaal oxe kaa tee: «Nuun we na naaɓaa o cofel ole too mbaaƭaxam, nan-gilooxaamoo! Ƭeetyo ɓil le nu mbaqaqoorna fo xooɗ le no gamb le nu suudteena.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

Filip 3:16

Me i mbodna ndiiki, fat i yoon, ñaaƴ mbaambir.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

Saak 3:2

A caf a mayu kaa i njuumaa, in fop. O kiin a juumangee na fa lay, o kiin tigi yoo. A waaga o dam cer um fop.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

Galati 5:17

Ke cer ke nuun a yaawaa fogree fo ke Yiif le Roog a bugna, too ke Yiif le Roog a bugna a guutatira fo ke cer ke nuun a yaawaa. Mbaagraƭar neene refna a ndeer ke cer ke a yaawaa fo ke Yiif le Roog a bugna taxu nu naangee o mbi’aa ke nu mbugkoogna o mbi,

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

2 Tesalonik 2:13

In o mat, kaa i mbar o ngidmanaa a nuun a Roog mbeet oo mbeet, nuun fog we o Yaal oxe a fexna. Kaa jil a nuun no mberaandoong naa, ndax ta muclit a nuun Yiif le na tedlandaa, fo yaam ne nu ngimna ndigil ne.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

1 Korint 13:10

Boo ke deyna sik a garna koy, xan ke deyeerna a mooc.

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

A kim a tedu ke 119:5

Koo, yaasam ba um ɗap a ƭat es, ndax um gayaa ke dalnoona.

A kim a tedu ke 84:2

O Yaal oxe Hupna fop, koo me genoona a yaawnooxa!

A kim a tedu ke 63:8

No ndigil, wo refu ƈufig es, too kaam soroxole’aa yoora a nafir of.

1 Tesalonik 5:15

Mbootooxyo o ndabdinoor ƭomu, ndaa naangyo o mbaaƭaa paax a ndeer no gimu we fo a ndeer no wiin we fop.

1 Timote 6:19

Neene, xan a mbokatanaa a qoox den halal fa mbaax fa ndoone no saƭku yaam o feet, ndax da ndam no ñoow o ndiindigil ole.

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

A kim a tedu ke 94:15

O cofel xan a hate’tateel, too fop we a qeeñ den a njofna xan a yoon teen.

Hebre 12:23

fo mbokatax ne no gimu we ndefna taaw ke Roog, a kon den a mbindeena na asamaan. Nu matiida a Roog fee refna o kaahate no wiin we fop, matiid a yiif ake no wiin jofu we ñakna sik.

A kim a tedu ke 42:1

O yaal a ƭat ale no jeejeek we a xoolne yee a cangtax alaa gimeena yoo, a fog na ke no Kookoora we.

Mace 5:48

Fat nu ñak sik boog ne Faap nuun fee na asamaan a ñakitna sik.»

O leetar ole Pool a bindna GIMU WE NGENNA ROM 8:39

katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.

1 Korint 9:24

Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.

1 Korint 13:12

Ke i nga’aa ndiiki, kaa nand nen no ɗeendoor i nga’aa, xoolee qac, ndaa a koom xan i njasnoor fo xe i ƈookna no ɗeendoor ole. Xaye, a seek a leng rek um ga’aa, ndaa na bes faaga, xam and ne Roog a andtaxama.

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.