Filip 3:10 - NQAARIIT NE ROOG

¹⁰ Neene o mat um anditkaa a Kiristaa fa doole a qontax um, waag o fog no coono um, nandat fo ten nen oxaa xonitna nen o ten,

Filip 3:10 Referans Kwoze

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

1Saŋ 2:3

I ngayangaa kebil ke ten, maaga i anditkaa yee i anda o Yaal oxe.

Kolos 3:1

Nu nqontooxa fa Kiristaa, mbaaƭyo boog ke refna took, maa ta moofna na ñamaak Roog.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

2 Korint 1:5

Ne i coono’taa mayu na Kiristaa, neene itam a yaalax in na Kiristaa a magnitu.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

2 Korint 13:4

A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

1Saŋ 2:5

Kaa koy, oxuu na gayaa fa lay um, o mbeq onqe Roog a fadnooxa no ten. I ngayangaan, maaga i anditkaa yee in wey no ten.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

Efees 4:13

A reftangaa neene, xan i ndet, in fop, boo mbogat o ngim o leng kut onqe, mbogat itam o and o leng no Ƥeenqe Roog. Yaaga, xan i ndefat maak waa, o maakel den a nandkaa fo ole Kiristaa.

2 Korint 1:10

Roog feene o mat refu oxe wat’ina a in na fa nqon feene, too xan a watahin a in. Ii, i njega yaakaar neene yee xan a watahin a in.

YEGIL MBAAX NE YEESU ne Saŋ a bindtuuna 10:18

O leng suqtiran na mi, mi o mat na cooxtan no fud-o-letu. Jegaam sañ-sañ faa cooxtitanuuma fa sañ-sañ faa jangtanuuma: Keene mat refu ke Faap fee a heblaxama.»

Mace 20:23

Yeesu a doonahina a den ee: «Xan nu yer o kaas coono le mi kañ, ndaa no ke farna no moof na ñamaak es fo na janoon es, kaaga hapooxee na mi, ndaa we Faap fee a jagandanuuna, xan a ndaawin.»

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

O leetar ole Pool a bindna GIMU WE NGENNA ROM 8:36

Keene kaa ref nen ke layeena kam a Pind a Tedu ke yee: «Ñaal oo ñaal a jega na in waa na mbareel yaam o sagin of, soo i ƭeeteel nen paal kaa na ƥiseel no warand.»

Galati 6:17

Koo jaf le na garaa, ba o leng a taxat um jaaxiɗ, yaam a aak ake ndefna no cer es fop, Kiristaa taxun.

2 Piyeer 1:13

Kaa koy, a wooraxam ee a faaxa, ndax um layatinin a nuun, ye maaduuma o ñoowaa boo ndiik, ndax um yokit a nuun a betandax es.