Filip 2:9 - NQAARIIT NE ROOG

⁹ Ten taxu, Roog a yoɗin, ta garit fop took, a cooxin gon laa hupna na kon ake fop,

Filip 2:9 Referans Kwoze

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.

Esayi 52:13

O Yaal oxe kaa tee: «O tag es xan a jar, a kañel, a yoɗel soo a ɓoxotel tedaanga faa moƴna o magin.

Mbeeñil 5:12

Kaa ngimoogu fo o ñuxur o maak ee: «O Mbaal onqe war’eena a hela o daaw katil fa halal fo o and fa doole fo o niwel fo o ndam fo a simat.»

Dañel 7:14

A ɓoxote ngelfa fo o ndam fo maat, ndax qeet ke fop fo a saax ake fop fo wiin we no lak ke fop a mbaɗooxin. Ngelfa ne ten xan a ref boo faw too jegkee muukandoong, xan a maadoox bo na moos boo moos.»

Hebre 1:4

O Ƥeenqe Roog a hupooda malaaka boo ten taxu Roog a cooxin gon laa hupna a kon ake den o njiriiñ,

A kim a tedu ke 89:27

Xan a xoyaxam ee: ‹Wo refu Faap es, wo ref Roog es, ɓil jaɓnooxand es.›

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Esayi 53:12

Xam cooxin a las um fo kelfa ke, ta xaajir fo we njegna katil kalal ke, yaam a ɓoxotooxa na fa nqon. A ɗeet’e nen saasaay kaa, a gadoox pakaad no wiin mayu, soo a xeɗan we a qaw ale a jagit’ina.

A kim a tedu ke 110:1

A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

YEGIL MBAAX NE YEESU ne Saŋ a bindtuuna 17:5

Ndiiki koy, Faap, ɓoxotaam o ndam onqe jeg’uuma a paam of, yaaga adna ferooxafulee.

A kim a tedu ke 110:5

O Yaal oxe xey na ñamaak of. Xan a duguñ maad we, yaa ta fuuxkaa,

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

YEGIL MBAAX NE YEESU ne Lik a bindtuuna 10:22

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.»

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

A kim a tedu ke 91:14

O Yaal oxe kaa tee: «Feek kaa saaƭoox na mi, xam muclin. Xam saytooxin, yaam a anda oxe refuuma.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

2 Piyeer 1:17

ye ta daawitna o niwel fo o ndam na Roog Faap fee. Kam o ndam o mayu katil onqe ten, Roog a nannooraan o ñuxur olene: «Oxene refu o Ƥees onqe fexuuma fex, too no ten felakinoortum.»

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

YEGIL MBAAX NE YEESU ne Saŋ a bindtuuna 13:3

Yeesu a and’a yee maa Roog a inooru, a wara o nomtoox maa ten. A anda itam ee Faap fee a doona fop na xa ƥay um.

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

YEGIL MBAAX NE YEESU ne Saŋ a bindtuuna 17:11

Refatiim na adna fee, too den o mat, owe na adna fee. Ndiiki mexe garaa na wo. Faap fa Tedaan fee, koo xoxtiti a den doole fee no gon of, gon leene ci’axamoona, ndax da mbokatoor, a ndef o leng nen a in.

YEGIL MBAAX NE YEESU ne Saŋ a bindtuuna 17:12

Ye um refaa fa den na adna fee, kaam xoxtitoogu a den doole fee no gon of le ci’axamoona. Kaam gayoogu we lasaxamoona, too o leng na den ruuxee a koƥ, a refangee oxe war’ina o saŋkoox, ta jegit neen ndax a Pind a Tedu ke a mbadnoox.

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

2 Tesalonik 1:12

Neene, xan gon le no Yaal in Yeesu a ɓoxottel o ndam na nuun, soo nuun itam, nu ƥoxotel o ndam no ten, na pexey yirmande fee Roog in fo no Yaal oxe Yeesu Kiristaa.

Hebre 1:9

Cofu soom bugo, too sibaa paaxeer, ten taxu Roog fee refna Roog of, a ɗuumaang diwliin fa ndodir, a mayƭandong fo o ɗaay ye ta jiloonga a ndeer no gend of.»

3Saŋ 1:7

Weene koy, gon no Yaal oxe Yeesu Kiristaa inu a den, da mbaare’aa, a ndetaa, ndaa njangkee ci’it no xaa refeerna o kimu na Kiristaa.