Filip 2:6 - NQAARIIT NE ROOG

⁶ Kiristaa feene, andoona yee ke Roog a refna ref a refu, gendandooree fa Roog ne ta fodirna fo ten.

Filip 2:6 Referans Kwoze

YEGIL MBAAX NE YEESU ne Saŋ a bindtuuna 5:18

Yaawuur we a moƴa o say koy, a mbaaƭaa maa da mbartuuna, yaam laafee bes fee na ñootnax ale soom a day teen, ndax a doon a lay ee Roog refu Faap um, a fodandooraa a Roog.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

YEGIL MBAAX NE YEESU ne Saŋ a bindtuuna 17:5

Ndiiki koy, Faap, ɓoxotaam o ndam onqe jeg’uuma a paam of, yaaga adna ferooxafulee.

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

YEGIL MBAAX NE YEESU ne Saŋ a bindtuuna 10:33

Yaawuur we a ndoonaan ee: «A pi a paax taxee i mbugong o ndoom a kac, ndaa yaam wen le wenoona. Woxey refa o kiin, soo fi’ooxaa Roog.»

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

O leetar ole Pool a bindna GIMU WE NGENNA ROM 9:5

Kaam ee, den o mat ndefu xa taan axe no daan maak we, soo Kiristaa fee no fo ɓaal a fog na xeet den. Kiristaa feene koy hupu fop, a ref Roog fee heleena o simat. Amiini!

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

YEGIL MBAAX NE YEESU ne Saŋ a bindtuuna 20:28

Tomaa a doonaan ee: «O Yaal es, Roog es!»

YEGIL MBAAX NE YEESU ne Saŋ a bindtuuna 10:38

Kaa koy, a soƥangaa yee a pi um saqum, koo nu ngimangiraam oo, ngimyo a pi akeene, ndax nu mbaag o nga xil ee Faap fee oxe na mi, mi, um ref no ten.»

Hebre 1:6

Kaa koy, na waxtu fee ta luliidna a Taaw um kam adna fee, Roog a laya yee: «Malaaka ke Roog fop a mbaraan o mbaɗoox.»

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

YEGIL MBAAX NE YEESU ne Saŋ a bindtuuna 14:9

Yeesu a doonaan ee: «Filip, yaa refuuma fa nuun boo ndiik, too andiraamo! Oxuu ga’axama, Faap fee a ga’u. Nam waagaxamo o layit boog ee: ‹Lali a in a Faap fee?›

Yeremi 23:6

Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

Esayi 8:8

Xan a fadik Yudaa, a fi o jaɓ, a maƥ fop. Xan a gar o kiin no cok, too poofi ke ten xan a ƭaayoox boo a muur saax le wo fop, wo Imanu’el.»

Hebre 1:8

Kaa koy, no ke jofna no Ƥeenqe, Roog a laya a qoolu yee: «Gamb no maad le wo de Roog, xan a ref boo faw. O cofel rek o maadooritkaa maat ne wo.

YEGIL MBAAX NE YEESU ne Saŋ a bindtuuna 5:23

ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

YEGIL MBAAX NE YEESU ne Saŋ a bindtuuna 14:28

Nu nana ke layuuma a nuun: Mexey retaa, ndaa xam nomtooxiid me nuun. Nu mbex’angaam, nu mbelakinooxkooga no ke um retaa na Faap faa, yaam Faap fee hupaxam.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.