Filip 2:30 - NQAARIIT NE ROOG

³⁰ yaam no calel ke Kiristaa o ñoow um a yaac’u o ɓostoor, yaam ta doon’un no xoƥ nquƭ, ye ta rondandna a nuun paam es.

Filip 2:30 Referans Kwoze

1 Korint 16:17

Sawaraam lool yaam ne Estefanaas fa Fortinatis fa Akaykis a ngarna meen. Yaaloortaam a den a nuun,

Filip 4:10

Jegaam o ɗaay o maak no Yaal oxe kam xeeñ es, yaam ne nu umbatinna o mbeq nuun fa mi. Andaam koy ee nu miñaan o mbosoox, o daaw rek nu njeg’afuleeru.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

Filemon 1:13

Bug’aanum o geek paam es, ta yungataxam kam kaso fee ɓekeema yaam Yegil mbaax ne, ndax ta fodanaam na seek of.

Filip 2:27

Kaa jir’u koy tigi boo a mat o xon, ndaa Roog a yirmaan. Yirmiran, ten soom sax, a yirmaxam mi itam, ndax naqad took naqad dalkiraam.

Filip 2:17

Um warange sax oo, fo’oy es kaa nandkaa soom nen ƥaate took o ngim onqe nu ƥoxotna a Roog nen sadax, sawaraam teen, felakinooxaa fa nuun, nuun fop.

1 Korint 16:10

Timote a fadiidangaa me nuun koy, ngela ndamteenoo ƥay ƭik boo jambatkee dara, yaam nen a mi a fi’aa fi no calel ke no Yaal oxe.

1 Korint 15:53

Cer in keeke mbarna o mbot, xan a ndokoox cer lakas kaa mbaagkeerna o mbot, kaam ee cer in keeke andoona yee kaa nqonaa, a koom da suptel, a ndefat cer kaa mbaagkeerna o nqon.

O leetar ole Pool a bindna GIMU WE NGENNA ROM 16:4

Weene a liil’a o ñis den no xoƥ nquƭ, ndax da mucil ole mi. Refee yee mi feeke soom na gidmaa a den, ndaa pokatax ke no gimu we ndefeerna Yaawuur fop sax kaa ngidmaa a den.

2 Korint 4:12

Ten taxu yoo, fa nqon fee kaa jalaa na in, soo o ñoow ole mat a jalaa na nuun.