Filip 2:29 - NQAARIIT NE ROOG

²⁹ Ndalniteenoo nen o pog nuun no Yaal oxe fo o ɗaay o deyu sik, niw wiin we nandna nen o ten,

Filip 2:29 Referans Kwoze

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

1 Tesalonik 5:12

Fog we, in we nqeɗaa a nuun, nu niw we na njalaa fa nuun, a ƭoxaa, too a saƭakinaa a nuun no Yaal oxe.

1 Korint 16:18

boo da ndalin yiif es ne da ndalnitna ake nuun. Kaam ee ngela ndamityo wiin nandu neene ƥay ƭik.

O leetar ole Pool a bindna GIMU WE NGENNA ROM 16:2

Fat nu ndalnin a paax no gon le no Yaal oxe, mbi’tin ne ta warna o refit a ndeer waa mbogna na xeet fee Roog. Ndimle’eenoo no ke refna soxla um fop farna fa nuun. Wiin mayu a nqotta o ndimle na Foybe feene, moƴtaa sax mi feeke.

2 Korint 10:18

Oxe na layooxaa yee mi yoo naagee o refaa muk oxe na jileel, ndaa oxe o Yaal oxe a jooxna soom.

1 Korint 16:10

Timote a fadiidangaa me nuun koy, ngela ndamteenoo ƥay ƭik boo jambatkee dara, yaam nen a mi a fi’aa fi no calel ke no Yaal oxe.

3Saŋ 1:10

Feek neene a fi’tu koy, boo Roog a ɓisiidaxama, xam feedin a pi um mbaambir no fop. A jega a ƭelem a paaxeer a mayu kaa ta feranaa a in, keene deyiran ta fañ o genaraa gimu we na ngaraa, too sax a jega kaa moƴna faaxaƭar keene fop. Ten refu yee fañee o genar a den soom, a day teen, ndaa kaa xañtaa lakas we mbugna o ngenar a den ee ngenarkee o leng, soo we na ngenaraa a den, ta sut a den mbokatax ne no gimu we.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

Kolos 4:10

Aristark fee fogtuuma kaso, oxe simnaa a nuun, ten fa Mark fee o maasir Barnabaas. Ten o mat ne’oogum, ye layuuma yee boo ta garna, fat nu ndalnin a paax.

2 Korint 7:2

Ci’yo a in o wonq kam a qeeñ nuun. I mosee o tooñ o leng, i yaqanee o leng, i naxee o leng itam.

O leetar ole Pool a bindna GIMU WE NGENNA ROM 10:15

Kaam ee nam a waare’itkeel, yaa o leng a lulaandeena? Yaag oo toox de, a Pind a Tedu ke kaa lay ee: «Ndaw o jaf o mosu, no xaa na yegnitaa yegil mbaax!»

A pi ake 28:10

A ci’a a in cer boo ta hup, too ye i mbaajaa o ndet, a coox’a a in fop ke jegna o njiriiñ na ñaaƈ ale in.

A pi ake 8:8

O ɗaay o maak a jeg’a na teeru faaga.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

YEGIL MBAAX NE YEESU ne Saŋ a bindtuuna 13:20

No ndigil, no ndigil, mexe layaa a nuun ee: Oxuu dalinna oxaa luluuma, mi fa xoox es a dalnu, too dalnaxama, oxe luliidaxama sax a dalnu.»

YEGIL MBAAX NE YEESU ne Lik a bindtuuna 9:5

Wiin waa a ngenarangee a nuun, fat nu sutoox teeru faaga, yirif fo ut a caf nuun, ndax ta ref seede took den.»

Esayi 52:7

Ndaw o jaf o mosu took xa coong axe, no xaa na yegnitaa yegil mbaax! Kaa yegnitaa jam fa baneex fo a muc, soo a layang, wo Siyoŋ ee: «Roog of refu o maad of.»

Filip 2:28

Xam ñofin o luliid me nuun, ndax nu nga’in, mbelakinoox, mi itam naqad es a waag o yelef.