Filip 2:27 - NQAARIIT NE ROOG

²⁷ Kaa jir’u koy tigi boo a mat o xon, ndaa Roog a yirmaan. Yirmiran, ten soom sax, a yirmaxam mi itam, ndax naqad took naqad dalkiraam.

Filip 2:27 Referans Kwoze

A kim a tedu ke 34:19

O Yaal oxe xe paam no we a qeeñ den a naqadilooxna, too kaa muclaa we a yiif den a njaqna.

Filip 2:30

yaam no calel ke Kiristaa o ñoow um a yaac’u o ɓostoor, yaam ta doon’un no xoƥ nquƭ, ye ta rondandna a nuun paam es.

2 Korint 2:7

A moƴa faax ndiiki koy, nu mbaasanin, yaalin, ndax moƴkee o mudnoox no njakad.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

A pi ake 9:37

Na pe akaaga, o tew oxeene a yena jir boo a xon. Ye da ƥoguuna, a ndoonaan na ndok-took alaa.

Ke bindeena no xe ne’eena YOB 5:19

Xan a watong na naqad a caf a mayu, too taamaala dalkirang muk.

Esayi 43:2

Boo o xaañaa poofi ke, xam ref fa wo, too boo o jootaa xa quluɓ axe, ƭuudkirang muk. O xaañangaa kam fiɗel sax oo, doxkiro, too ƈulfaan ne waagankirang dara,

Habakuk 3:2

O Yaal oxe, nanaam gon of a layteel. O Yaal oxe, kaam jeg caƭar mbaambir a pi of. Fadni a den no ñoow in, ga’noor a in a den na xa kiid in! Kaa rek kam fuux le wo, wetandooxi o paaxel of.

Yeremi 10:24

O Yaal oxe, yaraam, ndaa fat a ref no cofel, too baa ref kam fuux of, ndik o yaqaam pic.

Yeremi 8:18

Naqad es waagee o wat, xeeñ es kaa doxaa taa kam es.

Esayi 38:17

Xeeñ feƭaru es a jegata jam. Kaa o fexaam boo suudit o laaw es no gamb le na saŋkax ale, yaam deɓaa a cinj of pakaad es fop.

Esayi 27:8

Ha’aa, ndaa a raxa a den, a sut a den saax le. Neene a xawtu a den. A koom alaa fo a und ale no batand, a raxta a den haaƭ jegu doole le ten.

2 Maad we 20:1

Na jamaane faaga, o maad Hiskiya a jira boo a ref ndeer xon fo ñoow. O tuleer Esayi fee o ƥiy Amoc a gara me ten, a layin ee: «O Yaal oxe kaa tee: ‹Regdinooxi mbind of, yaam wodkatiro, ndaa xan o xon.› »

Yeremi 45:3

Kaa o layaa yee: ‹Sabab took es! O Yaal oxe a ɓaata naqad na ƭomaan es. Kaam xij laƈ no iinaa too jegiim a ñootnax sen.›

Filip 2:26

Kaa bug o ga a nuun, nuun fop, ne nu nanna jir le ten, a leeƈ cer um.

Filip 2:28

Xam ñofin o luliid me nuun, ndax nu nga’in, mbelakinoox, mi itam naqad es a waag o yelef.