Filip 2:25 - NQAARIIT NE ROOG

²⁵ Ɗeetaam itam boo ga ee nomtiid o pog es Epaforodit cegu o njiriiñ oo. Ten itam, o yoon es no calel ke yoo, a gomreel nen a mi, nu luliidin me mi, ta ɓisiidaam ƭaxir soxla.

Filip 2:25 Referans Kwoze

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

Kolos 1:7

Keene koy refu ke Epafaras fee i mbexna mbex, too a ref o yoon in no calel ke, a janginna a nuun. O ten oo, o caajal o tamooxu no calel ke Kiristaa a ndeer nuun a refu.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

1 Korint 3:9

In, waa na njalaa fa Roog i ndefu, nu ndef a ƭing um. Kaam ee nuun ndefu itam tabax ñoow ne ten.

Filemon 1:24

Mark fa Aristark fa Demas fa Lik, we ndefna yoon es no calel ke, den oo, owe simnang itam.

Xa peƭit axe 25:13

Nen a ƥuuɓaan foofi galaas yaa fo a saxad, neene o tuleer o kore’u a nandu no xe luluuna. Kaa ɓutandaa kam no yaal mbind um.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

Kolos 4:11

Yeesu fee da lastitaa Yustus oo, oxe simnaa a nuun. Ndeer Yaawuur we, weene soom ndefu we na njalaa fa mi, ndax Maat ne Roog a joot. Yaaloor saƭku a ndefu na mi.

2 Korint 2:13

no laaw o xaƭa reeƭum, yaam ne ga’eeruuma a Tiit fee o pog es. Ten taxu layaam a den ee: «Yoqyo fa jam, mexe suuraa Makedoni.»

YEGIL MBAAX NE YEESU ne Saŋ a bindtuuna 17:18

Ne lultaxamoona na adna fee, neene lultum a den na adna fee itam.

YEGIL MBAAX NE YEESU ne Saŋ a bindtuuna 13:16

No ndigil, mexe layaa a nuun ee: O tag hupee o Yaal um, ne’atiim o tuleer a hup oxe inuuna.

O leetar ole Pool a bindna GIMU WE NGENNA ROM 16:3

Fat nu simnanaam a Pirisil fa Akilaas ndefna yoon es no calel ke Kiristaa Yeesu.

O leetar ole Pool a bindna GIMU WE NGENNA ROM 16:9

simin a Urben o yoon es no calel ke Kiristaa fa Estakis fee fexuuma.

Filip 2:26

Kaa bug o ga a nuun, nuun fop, ne nu nanna jir le ten, a leeƈ cer um.